Debleskro tsiro 2:5 - O Debleskro Lab 2024 (Sinte-Manouche)

⁵ Moukenn t'menge kova an o shero te djal, har dour t'mer mandar tele peran. Avenn pale o tselo djiyeha pash mande! Djivenn ko djipen, hoy djivan, har t'maro patsepen ap mande terno his. Te krenn kova gar, palle vau, oun lau t'mari momeli krik, oun čivrau lat ap i rig.

O Debleskro Drom 2021 (Sinte)

⁵ Mukenn tumenge kowa an o shero te djal, har dur tumer mandar tele peran. Awenn pale o tselo djijeha pash mande! Djiwenn ko djipen, hoi djiwan, har tumaro patsepen ap mande terno his. Te krenn kowa gar, palle wau, un lau tumari momeli krik, un tchiwrau lat ap i rig.

Debleskro tsiro 2:5 Referans Kwoze

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!

Debleskro tsiro 2:16

Krenn kanna ko čilačo koova bouder gar! Te moukenn t'mer kova gar, palle vau an i tikno tsiro, oun čingrau ap kolende, kay shounan gar ap mande. Oun miro rakepen činella har i rharo.

Hosea 14:1

I menshe an o foro Samaria lenn pengri phagi. Yon moukan pen či te penell pengro Deblestar. Doleske venn le o rhareha maredo. Oun lengre tikne čave venn moulo dino. Oun i djouvya, kay lenn i čavo, venn pre činle.

Debleskro tsiro 2:19

Me prindjrau lauter, hoy t'mer mange krenn. T'mer kamenn man o djiyestar, oun rikrenn zoreles ap mande. Me prindjrau lauter, hoy t'mer t'mare phralenge krenna. Oun t'mer van gar khino an t'maro patsepen. Kova, hoy t'mer kanna krenna, hi ninna boudeder har kova, hoy kran, har patslo van.

Debleskro tsiro 1:20

Me kamau te hayvess, hoy kol efta bolepangre momlia hi, hoy tou an miro čačo vast dikal. Te hayvess ninna, hoy kol sonakangre momlia hi! Kol efta bolepangre momlia hi o Debleskre boudepangre, kay denn yak ap i patslende, kay an i efta forya khetne venna. Oun i efta sonakangre momlia hi i patsle, kay venna khetne an i efta forya.”

Ezekiel 20:43

Oun kote vell t'menge kova an o shero, hoy kran oun har djivan, koleha t'mer t'men pale-čiddo kran. Oun ko tselo čilačo koova, hoy kran, vell t'menge čadepaske.

Louka 1:17

Oun yob hi pherdo Debleskri zoor yaake har o Eliya, oun yob krell i drom pre o Debleske. Oun yob krella, te lenn i dada pale i dji pengre čavenge. Oun kolla, kay shounan gar ap o Debleste, kolen anell yob pale ap o čačo drom. Oun yaake krell lo, te hi i menshen djia, kay pre hi lengro Debleske.”

Jesaja 1:26

Me dau tout pale čačepangre morshen oun rakepangren, kay o čačepen vin krenn, yaake har an i phoure tsirya his. Oun palle kharenn le tout čačepaskro foro oun foro kolendar, kay ap o Debleste patsenna.

Louka 20:16

Yob vella, oun marell kol harhen, oun dell ko drakengro them i vavaren.” Har kolla kova shounan, kay troul o Yezouseste tardo his, penan le: “Kova vella gar yaake!”

Markus 12:9

Hoy krell kanna ko ray pral ko drakengro them? Yob vella, oun marell kol harhen, oun dell ko drakengro them i vavaren.

Ezekiel 36:31

Oun palle vell t'menge an o shero, har čilačo kova his, hoy kran oun har djivan. Oun ko tselo čilačo koova, hoy kran, oun har i rhorhene deblen an-mangan, vell t'menge čadepaske.

Debleskro tsiro 2:2

Me prindjrau lauter, hoy t'mer mange kran, t'mari tseli phari boudi. T'mer dan t'maro patsepen gar pre. Oun t'mer moukenn gar čilače menshe mashkral t'mende te vell. Oun t'mer lan kolen an o yak, kay penan, te hi le o Yezouseskre bičepangre, oun yon hi kova gar. Oun t'mer hayvan, te rhorhran le.

Galatarja 5:4

Koon mank t'mende djivell pal o Moseskre laba, te vell lo čačo glan o Debleste, kova moukas o Yezous Kristes. Leskro kamlepen hi bouder gar leske koy.

Maleachi 3:4

Oun o baro Devel dikell lačes ap kova, hoy i menshe dran Youda oun dran Yerusalem leske anenna, yaake har kova his glan boud bersha.

Jesaja 14:12

Tou shoukar bolepaskri momeli, har nay vas, kay peral tou tele? Tou, kay stakral i tsele themma tel toute, har djas, kay val ap i phoub tele dino?

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.

Hebrearja 10:32

Ma bistrenn ko tsiro, kay o Debleskro kamlepen har i momeli an t'mare djia vas! Ap ko tsiro kran i menshe t'menge o djipen phares. Oun t'mer lan boud douka ap t'mende, oun vitsran t'maro patsepen gar ap i rig.

Hosea 9:10

O baro Devel penell: I Israelitarya his mange har drake an o moulo them, har hatsom len kote. Oun t'mare phoure his mange har neve fayge ap i faygetikro rouk. I tsiro koy pre, har van le pash i berga Peor, dan le pen o vi-ladjedo debleske Baal koy, oun van yaake pale-čiddo har ko devel, kones yon kaman.

Debleskro tsiro 16:9

Oun i menshe van zoreles rhačedo. Oun yon praasan o Debles, kay das len koy phagi. Oun yon moukan gar pengro čilačo drom, oun sharan o Debles gar.

Mateo 5:14

T'mer han i momeli ap kay phoub. Oun i foro, hoy pral ap i berga hi, nay ačell gar khatedo.

Mateo 5:15

Kek rhačell i momeli an oun čivell lat tel i piri. Na-a, yob čivell lat ap i momelengri, te vell koy momeli diklo hakenestar, kay an o kheer hi.

Filiparja 2:15

Yaake djivenn t'mer, har mishto hi. Oun kek hatsell i doosh ap t'mende. T'mer han o Debleskre čave, oun djivenn mashkral kol menshende, kay hi čilačo oun nashran pen an boud dinelo koova. Mashkral kolende han t'mer har i momlia an i rati,

2. Petro 3:17

Lače phrala oun phenya, kanna djinenn t'mer, kay čilače menshe venna, kay shounenn gar ap o Debleste. Doleske denn garda, te patsenn gar o rhorhepen, hoy yon rakrenna! Ma djan lentsa, te perenn t'mer gar o čačo dromestar tele! Ačenn zoreles an o patsepen tardo!