Debleskro tsiro 19:8 - O Debleskro Lab 2024 (Sinte-Manouche)

⁸ Oun yoy las i shoukar ripen dran djoudjo parno than. Ko lačo parno ripen hi o čačo koova, hoy o Debleskre menshe kran.

O Debleskro Drom 2021 (Sinte)

⁸ Un joi las i shukar ripen dran djudjo parno than. Ko latcho parno ripen hi o tchatcho koowa, hoi o Debleskre menshe kran.

Debleskro tsiro 19:8 Referans Kwoze

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Debleskro tsiro 3:18

Doleske penau t'menge: Ginenn mandar sonakay, savo sonakay, hoy an i yag thodo vas, yaake te venn t'mer čačepah bravelo. Ginenn mandar ninna parne ripya, oun rivenn kolla ap t'mende, te han bouder gar nango, oun hounte ladjenn t'men bouder gar. Oun ginenn kouč djet, oun makenn t'mare yaka, te nay dikenn pale!

Remarja 13:14

Djivas yaake har maro ray, o Yezous Kristo, djivas! Te kamell o djoungelo koova an t'maro shero te vell, palle penenn: Na-a!

Markus 9:3

Oun leskre koola van rayles biyalo, yaake biyalo, har kek ap i phoub nay thovell len biyalo.

Mateo 22:12

Oun yob penas ap leste: Miro maal, tout hi kek biyabeskro ripen ap toute, te nay djah tou ap i biyab. Hoy kreh tou kate? Oun kova nashte penas leske či.

Debleskri gili 132:9

Čip o čačepen pral tire rashaya har i ripen! Mou denn tire menshe gole i barhtyatar!

Debleskro tsiro 15:4

Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.

Ezekiel 16:10

Oun me rivom tout an rayle ripya, kay shoukar koova dren sido his, oun čivom kirrha dran lačo ledera ap tire pire, oun i pandepen dran kouč layntikro than ap tiro shero. Oun i baya dran phar čivom troul toute.

Bičepangre 1:10

Har yon leske palla dikan, har yob an o bolepen djas, his douy morsha an biyale ripya pash lende tardo.

Louka 24:4

Har yon koy tardo his, oun djinan gar, hoy te krenn le, his kote ap yek kopo douy morsha tardo. Oun lengre ripya his rayles biyalo.

Mateo 17:2

Oun glan lengre yaka las lo i bolepaskro raylepen. Leskro mouy vas har o kham. Oun leskro ripen vas biyalo har i bari momeli.

Gosewe laba 31:22

Plarhte krell li peske, rido hi li an lačo layntikro than oun lolo bakrengro bal.

Ezekiel 44:17

Te venn le an kol voudya dren, hoy djan ap koy tikni glanstouni platsa, hounte rivenn le i rashayengre layntikre koola an. Kek koola dran bakrengre balla hounte venn ap lende an ko tsiro, kay boudrenn ap i tikni glanstouni platsa oun dren an o kheer.

Debleskro tsiro 15:6

Oun kol efta bolepangre, kay efta kope i bari phagi pral i phoub anenna, kolla van dran o Debleskro kheer vin. Len his djoudje parne ripya ap pende, oun troul lengro beč bourhle sonakangre dorya.

Debleskro tsiro 19:14

Oun i tsele bolepaskre kourepangre van leske palla ap parne graya. Len his koola dran parno djoudjo than.

Jesaja 3:23

lengre blendarya oun lengre gada, lengre stadja oun lengre shereskre bare dikle.