Debleskro tsiro 17:3 - O Debleskro Lab 2024 (Sinte-Manouche)

³ Oun o Debleskro Dourho vas pral mande. Oun o bolepaskro anas man an o moulo them. Oun me dikom i djouvel ap i lolo firho beshdo, hoy les efta shere oun deesh shinga his. Oun ap koleste his save laba činlo, hoy praasenn o Debles.

O Debleskro Drom 2021 (Sinte)

³ Un o Debleskro Ducho was pral mande. Un o bolepaskro anas man an o mulo them. Un me dikom i djuwel ap i lolo viecho beshdo, hoi les efta shere un deesh shinga his. Un ap koleste his sawe laba tchinlo, hoi praassenn o Debles.

Debleskro tsiro 17:3 Referans Kwoze

Debleskro tsiro 12:3

Oun i vavar baro koova sikras pes ap o bolepen: I baro lolo sap vas. Oun les hi efta shere oun deesh shinga. Oun ap hako shero hi shereskro sonakay.

Debleskro tsiro 17:18

Oun koy djouvel, hoy tou dikal, kaya hi ko baro foro, hoy hi les penepaske pral i bare rayende ap kay phoub.”

Debleskro tsiro 12:6

Oun koy djouvel nashas an o moulo them, kay kek menshe djivenna. Kote hi o Debles lake i kotar phoub, kay ačell li deesh-te-douy-sheel-te-shob-desha (1.260) divessa, oun lell halauter, hoy lat hounte vella djipaske.

Debleskro tsiro 17:4

Oun koy djouvel his rido an i kouč lolo ripen. Oun ap late hi sonakay oun kouč barra oun mirklia. Oun lat his i sonakaskro khoro an lakro vast, pherdo djoungelo koova oun savo koova, hoy hi pale-čiddo glan o Debleste. Kava koova vas dran lakro vi-ladjedo djipen.

Debleskro tsiro 12:14

Oun koy djouvyake van čirklengre moussya dino, har i baro čirkles hi, te nay djal li an o moulo them ap ko kotar phoub, kay yoy nay djivella dour krik ko sapestar. Kote ačell li triin-te-paash bersha. Oun kote lell li halauter te rhal oun te piyell.

Daniel 7:25

Oun yob praasell o pralstouno Debles oun čivell pharo koova ap o Debleskre menshende. Oun krell lauter, te venn o Debleskre divessa oun laba vavarčandes rikedo. Oun o Debleskre menshe venn an leskro vast dino yek tsireske oun douy tsirenge oun i paash tsireske.

Daniel 7:20

Oun ninna kamom te djinell, hoy kol deesh shinga ap leskro shero kamenn te penell, oun ko vavar shing, hoy vin vas, oun glan koleste kol triin vavar shinga vin peran. Oun kava shing his bareder har kol vavar. Oun les his yaka oun i mouy, hoy baro koova rakras.

Daniel 7:8

Oun har me yaake ap kol deesh shinga yak dom, vas i tikno vavar shing pre mashkral kol vavar shinga. Oun triin lendar van glan leste vin tserdedo. Ap ko shing his yaka har menshengre yaka, oun i mouy, hoy baro koova rakras.

Debleskro tsiro 21:10

Oun o Debleskro Dourho vas ap mande. Oun o bolepaskro anas man ap i bari, bari berga, oun sikras mande o Debleskro foro Yerusalem, har ko foro tele vas o Deblestar dran o bolepen.

Ezekiel 8:3

Oun yob čivas čomone har i vast pal mande vin, oun tapras man ap mire balla ap o shero. Oun an ko dikepen, hoy dikom, oun hoy vas o Deblestar, hadas man o dourho pre dour pral i phoub, oun anas man an o foro Yerusalem pash o baro voudar, hoy hi ap i nordetikri rig, glan koy platsa, hoy djal troul o Debleskro kheer. Kote his i figura tardo, hoy i menshe an-mangan, oun pral kolate o baro Devel bares rhoyedo his.

Ezekiel 11:24

Oun an ko dikepen, hoy dikom, oun hoy vas o Deblestar, hadas man o dourho pre, oun anas man pale pash kolende, kay pandlo krik anlo van an o them Babilonia. Oun ko dikepen, hoy dikom, djas krik.

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.

Ezekiel 3:12

Oun i dourho hadas man pre. Oun pal mande shounom me i bari zoreli gole, hoy penas: Sharenn o raylepen o baro Deblestar kote, kay lo khere hi!

Kamlepaskri gili 8:5

Koon hi koya, kay vell pre dran o moulo tato them, moussi an moussi peskri pirneha? Tel o phabyengro rouk djangrom tout, kote, kay tiri day touha vavarčandes vas, oun tou boldo val.

Debleskro tsiro 1:10

Ap o Debleskro dives vas o Debleskro Dourho zoreles pral mande. Oun me shounom pal mande i zorelo rakepen. Kova his har i gole, hoy dell i phourdepaskri.

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

2. Rajengro liil 2:16

Oun penan ap leste: “Mer ham tire boudepangre. Mashkral mende hi paash-sheel zorele morsha. Kolen mouk te djal, te rodenn le tiro rayes. Kova nay vas yaake, kay las o baro Debleskro dourho les oun vitsras les ap i berga oder an i tala.” Koy penas yob: “Na-a, moukenn len gar te djal!”

1. Rajengro liil 18:12

Hoy hi, te djau kanna toutar, oun o baro Debleskro dourho lell tout krik oun anell tout ap i vavar kotar phoub, hoy me gar djinau? Oun me vau palle pash o Ahab oun penau leske, tou hal kay, oun yob hatsell tout gar? Palle moukell lo man te marell. Tou djineh, me, tiro boudepaskro, shounau ap o baro Debleste foun tiknes pre.

Debleskro tsiro 4:2

Oun ap yek kopo vas o Debleskro Dourho zoreles ap mande, oun me dikom i rayeskro beshepaskro an o bolepen tardo. Oun ap koleste his yek beshdo.

Bičepangre 8:39

Har yon dran o pani vin djan, las o Debleskro Dourho o Filipes ap yek kopo kote krik. Oun ko pralstouno dikas les bouder gar. Oun yob djas barhteles peskro drom doureder.

Mateo 27:28

Oun yon rivan leske leskre koola vin, oun čivan leske i loli rayeskri plaashka trouyel.

Debleskro tsiro 18:12

Lengro koova dran sonakay oun roup, kouč barra oun mirklia, lačo parno than oun kouč lolo than, oun phar, i tsele kouč kashta, hoy lačo soungenna, ninna shoukar koova, hoy kerdo vas dran parne danda, dran kouč kasht, dran lolo oun kalo saster, dran parne barra,

Debleskro tsiro 18:16

oun penenna: “Havi bibarht! Havi bibarht! Dikenn, o baro foro! I menshe an leste his rido an lačo parno than, oun an kouč lolo than, oun phar. Oun sonakay, oun kouč barra, oun mirklia his ap lende.