Debleskro tsiro 14:7 - O Debleskro Lab 2024 (Sinte-Manouche)

⁷ Oun yob das bari gole: “Darenn o Deblestar oun sharenn les! Ko tsiro hi kanna kay, kay yob o čačepen pral i tsele menshende vi-rakrella. Vitsrenn t'men tele glan koleste, kay kras o bolepen oun i phoub, oun o baro pani, oun mangenn les an!”

O Debleskro Drom 2021 (Sinte)

⁷ Un job das bari gole: “Darenn o Deblestar un sharenn les! Ko tsiro hi kanna kai, kai job o tchatchepen pral i tsele menshende wi-rakrella. Witsrenn tumen tele glan koleste, kai kras o bolepen un i phub, un o baro pani, un mangenn les an!”

Debleskro tsiro 14:7 Referans Kwoze

2. Mose 20:11

An shob divessa kras o baro Devel o bolepen oun i phoub, o pani oun halauter, hoy koy dren hi. Oun o eftato dives kras lo či. Doleske penas lo: Kava dives hi i baro dives mange. Kava dives hi miro.

Debleskro tsiro 15:4

Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.

Nehemia 9:6

Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.

Debleskro tsiro 11:18

I tsele natsyone rhoyran pen pral toute. Doleske vas tiri rholi pral lende. Kanna hi o tsiro kay, te vell o čačepen vi-rakedo pral i moulende. Kanna vas ko tsiro, te dess tiro bravlepen kolende, kay touke boudran, kay an tiro lab rakran, lauterende, kay tire menshe hi, oun tout sharenna, oun toutar darenna, i tikne har i bare. I tsiro hi ninna kay, te maress kolen, kay i menshen ap i phoub maran.

Debleskro tsiro 4:11

“Tou, o Devel, maro ray, tou hal moldo, te less o raylepen, oun o sharepen, oun i zoor. Tou kral o bolepen oun i phoub. Yaake, har tou kamal, yaake kral tou kova, oun vas kova.”

Debleskro tsiro 11:13

Oun ap yek kopo trissas i phoub zoreles. Oun o deshto kotar ko forestar peras khetne. Oun efta zerya (7.000) menshe van maredo. Oun kol vavaren tapras i bari daar, oun yon sharan o Debles, kay an o bolepen hi.

Debleskri gili 33:6

Dran o lab o baro Deblestar vas o bolepen kerdo. Dran o dourho, hoy dran leskro mouy djas, van i tsele bolepangre momlia kerdo.

Debleskro tsiro 18:10

Dour glan o foro hi le tardo i daryatar, te vell koy bibarht ninna ap lende, oun yon penenna: “Dikenn! Havi bibarht! Havi bibarht! O baro foro Babilon, o zorelo foro! Leskri phagi vas an yek tikno tsiro pral leste.”

Debleskro tsiro 16:9

Oun i menshe van zoreles rhačedo. Oun yon praasan o Debles, kay das len koy phagi. Oun yon moukan gar pengro čilačo drom, oun sharan o Debles gar.

Debleskro tsiro 4:9

Oun yaake sharenn kol star zorele bolepangre koles, kay ap o rayeskro beshepaskro beshdo hi, oun yon hadenn les oun krenn les baro, oun parkrenn pen pash leste, kay djivell hako tsireske.

Debleskri gili 124:8

Kova hi o baro Devel, kay las men vin, yob, kay o bolepen oun i phoub kras.

Bičepangre 14:15

“Morshale, hoy krenn t'mer kote? Mer ham menshe har t'mer, oun penah t'menge o lačo lab o djido Deblestar. Yob kamell, te venn t'mer ap leskro drom, oun mangenn bouder gar kol rhorhene deblen dran kasht oun bar an. Yob hi ko Devel, kay kras o bolepen oun i phoub, oun o baro pani, oun lauter, hoy djivella.

Jesaja 40:6

Oun shounom, har yek penas: “Rake tire menshentsa!” Oun me poučom: “Hoy dap gole?” “I tsele menshe hi har khass, oun har divye bloume djivenn le kek rah tsiro.

Debleskro tsiro 19:5

Oun i rakepen vas kotar, kay o Debleskro beshepaskro hi, oun kova penas: “Sharenn maro Debles, t'mer lauter, hoy leske boudrenna, oun lestar darenna, tikne har bare!”

Hosea 8:1

O baro Devel penell: Phourde zoreles an i phourdepaskri! Har i adlari venn le pral miro them. Kolla kay kote djivenn, rikran pen gar ap kova, hoy lentsa vin krom, oun hadan pen pral mire laba.

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Jesaja 42:12

T'mer lauter, sharenn o baro Debles! Oun kolenge an i panyeskre themma penenn, har baro yob hi!

Debleskri gili 89:7

Koon an o bolepen hi yaake har tou, maro baro Devel? Havo Devel nay vell yaake har maro baro Devel?

Debleskri gili 36:1

I gili o rayeske pral i gipangre. O David, ko baro Debleskro boudepaskro, kras kay gili.

Josua 7:19

Koy penas o Yosua ap o Akan: “Miro čavo, pen o čačepen glan o baro Debleste, kay o Israeleskro Devel hi! Oun pen mange, hoy tou kral! Oun rike či pale!”

Debleskro tsiro 8:10

Oun ko triinto bolepaskro phourdas an peskri phourdepaskri: Oun i bolepaskri momeli rhačas har yag, oun peras tele ap i phoub. Oun koya peras ap o triinto kotar hako lengsto panyestar, ninna ap ko pani, hoy vella dran i phoub vin.

Louka 17:18

Hi kek vavar koy, kay vas pale pale, te sharell lo o Debles har kava Samaritari?”

Daniel 8:19

Oun yob penas ap mande: “Shoun, me kamau toute te sikrell, hoy vell an ko tsiro, kay o Debleskri rholi pral i menshende vell. Kova hi ko tsiro, kay o tsiro kay phoubyake tele nashell.

Ezekiel 7:6

O tsiro hi koy, kay djal o tselo them tele. Tele djal o tselo them! Dikenn t'mer, har i bibarht vella? Koy hi li!

Ezekiel 7:2

Tou, mensho, kava hi, hoy penau me, o baro Devel t'maro ray ap o them Israel. Hi doha! O tsiro hi koy, kay djal o tselo them Israel tele.

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Jesaja 44:23

Tou bolepen, gib kolestar, hoy o baro Devel kras! Tou telstunepen i phoubyatar, de gole i barhtyatar! T'mer berge, givenn! Tou veesh tire tsele roukentsa, gib! O baro Devel las o Yakobes dran o merepen vin, oun o Israel sharell les.

Jesaja 40:9

Tou, koy berga Sion, hal har i čay, kay anell i lačo lab. Tou, o foro Yerusalem, hal bičedo te aness barht. Dja pre ap i bari berga! De zoryah gole, oun ma dare! Dja pre ap i bari berga! Pen ap i forya an o them Youda: “Ake, t'maro Devel!”

Jesaja 40:3

Shounenn! Koy dell yek gole: “Krenn o baro Debleske o drom an o moulo tato them, te nay vell lo pash i menshende! Lenn halauter krik, hoy maro Debleske an o drom čiddo hi!

Debleskri gili 95:5

Leskro hi o baro pani. Yob kras les. Ninna o them, yob kras les leskre vastentsa.

1. Mose 22:12

Penas o bolepaskro: “Tape kol čaves gar an! Oun kre les či! Kanna djinau me, kay shouneh o tselo djiyeha ap o Debleste oun kreh, hoy yob penell. Tou rikral tiro yek čaves mandar gar pale.”

Debleskro tsiro 18:19

Oun yon lan čik, oun čivan les ap pengre shere oun rovan, oun dan lengre vasta pral o shero khetne, dan gole, oun penan: “Havi bibarht! Havi bibarht! Dikenn, o baro foro! Leskro bravlepen kras lauter kolen bravelo, kay hi len shiffe ap o baro pani! Oun an yek tikno tsiro peras ko foro khetne.”

Debleskro tsiro 18:17

An yek tikno tsiro djas lengro tselo baro bravlepen paash oun nashedo!” Dour glan o foro his ninna kolla tardo, kay ap o baro pani hi: I pralstoune ap i shiffe, kolla, kay kol shiffe oulerenna, oun kolla, kay ap kol shiffe boudrenna, oun hakeno, koleskri boudi ap o baro pani hi.

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

Mateo 25:13

Doleske penau me t'menge: Rikrenn t'mare yaka pre! T'mer djinenn gar ko dives, kay o ray pale vella!

Debleskri gili 115:15

Mou vell ap t'mende i barht kolestar, kay o bolepen oun i phoub kras.