Debleskro tsiro 11:10 - O Debleskro Lab 2024 (Sinte-Manouche)

¹⁰ I menshe ap i phoub hi barhtelo, oun givenna oun khelenna. Oun yek bičrell o vavareske shoukar koova. Yaake barhtelo hi le, te hi kol douy Debleskre rakepangre moulo, kay doukran kolen, kay ap i phoub djivenna.

O Debleskro Drom 2021 (Sinte)

¹⁰ I menshe ap i phub hi bachtelo, un giwenna un khelenna. Un jek bitchrell o wawareske shukar koowa. Jaake bachtelo hi le, te hi kol dui Debleskre rakepangre mulo, kai dukran kolen, kai ap i phub djiwenna.

Debleskro tsiro 11:10 Referans Kwoze

1. Rajengro liil 18:17

Oun har o Ahab o Eliyas dikas, penas lo ap leste: “Hal tou kova, kay anom o Israel an i bibarht dren?”

Debleskro tsiro 3:10

T'mer rikran ko lab, hoy t'menge penom, oun van gar khino an o patsepen ap mande. Doleske rikrau mire vasta pral t'mende an ko pharo tsiro, kay i bibarht vella pral i tsele menshende ap kay phoub, te vell diklo, hoy an lengre djia hi.

Bičepangre 5:33

Har yon kova shounan, van yon rhoyemen ap lende, oun kaman len te marell.

Johanni 7:7

I menshe hi gar čilačo ap t'mende. Ap mande hi le čilačo. Me penom lenge, kay kova, hoy yon krenna, čilačo hi.

Mateo 10:22

T'mer patsenn ap mande. Doleske venn i menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

Micha 7:8

Ma san pral mande, t'mer, kay kamenn man tele te rikrell! Ninna te vom ap i phoub vitsedo, stau me pale pre. Ninna te hom an i kali rat beshdo, hi o baro Devel miri momeli.

1. Rajengro liil 22:8

O baro ray pral Israel penas ap o Yosafat: “Kate hi gomme yek morsh, o Mika, koleskro dad o Yimla hi, kova nay poučell menge o baro Deblestar. Man hi i rholi ap leste. Hako kopo, kay penas lo mange čomone glan-vi, his les kek lačo lab mange, kokres djoungele laba his les mange.” O Yosafat penas pale pale: “Tou, o baro ray, hounte rakress gar yaake!”

Debleskro tsiro 13:8

Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.

1. Korintarja 13:6

Kones hi o Debleskro kamlepen an o dji, kova hi gar barhtelo pral o čilačepen. Yob hi barhtelo pral o čačepen.

Johanni 16:20

Čačepah, me penau t'menge: Vell i tsiro, kay t'mer rovenna, oun denn i vasta pral o shero khetne. Oun i menshe, kay gar ap mande patsenna, hi barhtelo. Ninna te rovell t'maro dji ap ko dives, djinenn: T'maro ropen vell t'mendar krik lino, oun t'mer venna barhtelo.

Jeremia 38:4

Kote rakran kol pralstoune o baro rayeha oun penan: Mouk kava morshes, o Yeremia te marell; yaake har yob rakrella, lell lo i zoor kol lourdendar krik, kay kate pash mende pral ačan an kava foro. Oun yaake djal ninna i tsele menshenge an kava foro. Kava morsh rodell gar, hoy i menshenge mishto hi. Na-a, yob anell len an i bibarht.

Gosewe laba 24:17

Te perell kova, kay touke čilačepen kamell, ma ab barhtelo! Tiro dji te sal gar pral leskri bibarht!

Debleskri gili 89:42

Lauter, kay ap o drom djan oun les dikan, čoran les vin. Kolla, kay langs leste djivenn, san pal leste.

Debleskri gili 13:4

Tou, mo Devel, dik ap mande oun shoun miro mangepen! Mouk man i momeli te dikell, te merap gar!

1. Rajengro liil 22:18

Kote penas o ray pral o them Israel ap o Yosafat: “Penom touke gar: Yob penell mange kek lače laba glan-vi, kokres čilače laba.”

1. Rajengro liil 21:20

Kote penas o Ahab ap o Eliya: “Hatsal man pale, tou, kay kameh mange čilačepen?” Kote penas lo: “Ava, me hatsom tout! Tou bikral tout, te kress kova, hoy glan i yaka o baro Deblestar čilačo hi.

Debleskro tsiro 16:10

Oun o pančto bolepaskro čoras peskro čaro vin pral o firho oun leskro them, kay yob o ray hi. Oun i rati vas ap lende. Oun leskre menshe dandran ap pengri čip i doukatar.

Debleskro tsiro 12:13

Oun har ko baro lolo sap dikas, te vas lo ap i phoub vitsedo, las lo koy djouvyat palla, kay ko čaves las.

Obadja 1:12

Tou, Edom, ma dik bouder tele ap tiro phraleste, o Youda, an ko tsiro, kay leske djoungeles djal! Ma sa bouder pral leskre čavende an ko tsiro, kay lenge ropaske hi! Ma rake yaake pre-phourdo an ko tsiro, kay yon darenna!

Jeremia 50:11

Ninna te han barhtelo oun sharenn t'men, kay randan miro them vin, oun stenn har o terne groumya an o zenlepen, oun denn gole har i zorele graya,

Debleskri gili 35:19

Ma mouk, te sanenn kolla pral mande, kay kamenn mange čilačepen, ninna te krom me len či. Ma mouk len i yakentsa te dell pal mande!