Debleskri gili 99:5 - O Debleskro Lab 2024 (Sinte-Manouche)

⁵ Hadenn maro baro Debles! Oun perenn ap i phoub glan i beshepaskri, kay yob peskre herya pre čivella. O baro Devel kokres hi o čačo Devel.

O Debleskro Drom 2021 (Sinte)

⁵ Hadenn maro baro Debles! Un perenn ap i phub glan i beshepaskri, kai job peskre herja pre tchiwella. O baro Dewel kokres hi o tchatcho Dewel.

Debleskri gili 99:5 Referans Kwoze

Debleskri gili 132:7

Avenn, mer djah an leskro kheer, oun perah tele glan o stamin, kay čivell lo peskre herya pre.

Jesaja 66:1

O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

Debleskri gili 108:5

Tiro lačepen hi yaake baro, te djal lo pral o bolepen, oun tiro čačepen yaake dour har i volke nashenn.

Debleskri gili 34:3

Kova, hoy yob lauter kras an miro djipen, kamau me te sharell. Mou shounenn kova kolla, kay tele rikedo hi, oun venn barhtele!

2. Mose 15:2

Peskri zoryah vas o baro Devel ap miri rig. Miri gilyah sharau les dran o dji. Yob las man vin. Miro Devel hi lo, oun me kamau les te sharell. Miro dadeskro Devel hi lo, oun me kamau les pre te hadell.

Jesaja 25:1

Baro Devel, tou hal miro Devel. Tout sharau, oun touke givau. Tou kral baro koova, hoy kek vavar nay krella. Hoy tou penal i glan rah tsiro, ap kova rikral tout oun kral kova.

Jesaja 12:4

Oun ap ko tsiro denn t'mer gole: Parkrenn t'men pash o baro Debleste! Denn ap leste gole, te vell lo ap t'mari rig! Penenn i menshenge an i tsele themma, hoy lo kras. Penenn hakeneske te hi leskro lab bareder har hako vavar lab!

Debleskri gili 99:3

Mou hadenn le lauter tiro baro oun raylo lab! Tou kokres hal o čačo Devel.

Debleskri gili 118:28

Tou hal miro Devel. Pash toute kamau man te parkrell. Miro Devel, tout kamau me te sharell.

Debleskri gili 107:32

Yon hounte sharenn les kote, kay yon khetne venna, oun hadenn les kote, kay i phoureder khetne venna.

Debleskri gili 99:9

Hadenn maro baro Debles! Mangenn les an ap leskri berga, kay yob djivella. Maro baro Devel kokres hi o čačo Devel.

Debleskri gili 21:13

Tou leh tiro bogo oun rikreh ap lende, oun kreh, te rissrenn le pen trouyel oun nashenn penge.

3. Mose 19:2

Pen ap i tsele Israelitarya: Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

1. Familjakro liil 28:2

Oun o baro ray David stas pre oun penas: “Mire phrala, morshale mire menshendar, shounenn, hoy penau t'menge! An miro dji his, te krap i kheer, kay vell o morhton o deesh labentsa o baro Deblestar dren čiddo, oun kay nay ačell o morhton. Kova hi har i tikno banko tel i pire maro Deblestar. Oun me lom boud koova khetne kava khereske, hoy kamom pre te čivell.

Hosea 11:7

Mire menshe ačenna krik mandar, oun kamenn gar pash mande te vell. Ninna te venn le pash mande, o pralstuneste, hadenn le man gar.