Debleskri gili 97:1 - O Debleskro Lab 2024 (Sinte-Manouche)

¹ O baro Devel hi o baro ray! Doleske te givell i phoub oun sal! Ninna kol boud panyengre themma te venn le barhtelo!

O Debleskro Drom 2021 (Sinte)

¹ O baro Dewel hi o baro rai! Doleske te giwell i phub un sal! Ninna kol bud panjengre themma te wenn le bachtelo!

Debleskri gili 97:1 Referans Kwoze

Kolossarja 1:13

Yob las men vin dran i vasta kolestar, kay hi o ray pral o tamlepen oun o čilačepen, te djivas mer khetne peskro Čaveha, koles yob o djiyestar kamella. Kova hi maro ray,

Debleskri gili 99:1

O baro Devel hi o baro ray. Yob hi beshdo pral i Keroubim. Lestar darella i phoub, oun hake themma trissenna.

Debleskri gili 93:1

O baro Devel hi o baro ray. Raylepen oun zoor hi troul leste har i ripen. Yob kras i phoub yaake te hi li zoreles tardo.

Debleskro tsiro 11:17

oun penan: Mer parkrah men pash toute, maro ray. Tou hal o zorelo Devel. Tou djiveh kanna har djival an o phouro tsiro. Tou sikral tiri bari zoor, oun val o ray pral halauter.

Markus 11:10

Sharas o baro rayes, ko čaves maro dadestar David, kay vella an peskri zoor! Sharas o Debles an o bolepen!”

Zefanja 2:11

Kanna krell o baro Devel lenge bari daar, te krell lo i rhorhene deblen ap i tseli phoub paash. Oun an hake themma vitsrenn pen i menshe glan leste tele, hakeno an peskro them.

Jesaja 49:13

De gole i barhtyatar, tou bolepen! Ab barhtelo, tou phoub! Givenn, t'mer berge! O baro Devel khossas i sva peskre menshendar tele, oun kras peskro dji kolenge pre, kay tele rikedo van.

1. Mose 10:5

Kolendar venna i menshe, kay djivenna an i themma pash o baro pani. Kolla hi i čave o Yafetestar pengre menshentsa. Lendar van bare familye. Hakeni rakras peskro rakepen oun djivas an peskro them.

Mateo 6:13

Ma mouk men tiro dromestar tele te djal! Le men dran o bengeskro vast vin!

Mateo 6:10

Te vell ko tsiro sik, kay tou o ray hal pral i tseli phoub! Te krenn i menshe ap i phoub kova, hoy tou kameh, yaake har ninna kolla an o bolepen krenn, hoy tou kameh!

Mateo 3:3

O Yohanni hi ko morsh, kolestar o Debleskro rakepaskro, o Yesaya, penas: Kote hi yek, kay an o moulo them gole della oun penella: Krenn o drom o Debleske, te nay vell lo pash i menshende! Lenn halauter krik, hoy o Debleske an o drom čiddo hi.

Obadja 1:21

Oun kolla ap i berga Sion, kay vin lino van dran o pandepen, len hi penepaske pral i Edomarya ap pengre berge. Oun o baro Devel hi o baro ray.

Jesaja 66:19

Oun me čivau i sikepen pre mank lende. Oun kolendar, kay djides ačan, bičrau me pash i menshende an themma Tarsis, Poul oun Loud, Meshek, Rosh, Toubal, Yavan oun pash kolende dour vergel o baro pani, kay mandar gomme či shounan, oun miro raylepen gomme gar dikan. Oun mire bičepangre penenn kol menshenge, har raylo me hom.

Jesaja 60:9

Ap mande dikenn i menshe vergel o baro pani. Oun i shiffe, hoy venna dran Tarsis, oulerenna glan vin, te anenn le tire čaven, hoy dour krik his, khere. Oun lengro sonakay oun roup anenn le peha, te sharenn le tiro baro Debles. Yob kokres hi o Israeleskro čačo Devel, oun kova, kay kras tout raylo.

Jesaja 51:5

O tsiro, kay miro čačepen vell, hi gar dour. Oun ko dives vell sik, kay lau t'men vin dran o čilačepen. Oun me vau o čačepaskro ray pral i vavar themma. I menshe, kay djivenn pash o baro pani, dikenn ap mande, te lap o kourepen krik.

Jesaja 49:1

Shounenn ap mande, t'mer kay pash o baro pani djivenn! Denn yak ap miro rakepen, t'mer an i themma, hoy dour krik hi! Har gomme gar boldo vom, das man o baro Devel gole, oun das man miro lab.

Jesaja 42:4

Leske kokres djal gar i zoor krik, oun yob phagell vitar gar khetne, bis te kras lo, te djivenn i menshe ap i tseli phoub pal o čačepen. Oun i menshe an dour themma dikenn ap leste, te sikrell lo len peskro drom.

Jesaja 41:5

Kolla, kay djivenn an dour themma, dikan, hoy krom, oun daran. I tsele menshe ap i phoub trissan i daryatar. Yon kran pen ap o drom oun van khetne.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Debleskri gili 2:11

Boudrenn o baro Debleske oun darenn lestar, perenn glan leste tele oun čoumrenn leskre pire!

Zakarie 14:9

Palle hi o baro Devel o ray pral i tsele themma ap i phoub. An ko tsiro hi yob kokres o Devel. Les kokres mangenn le an.