Debleskri gili 93:3 - O Debleskro Lab 2024 (Sinte-Manouche)

³ Baro Devel, i bare panya hadenn pen. O pani vell divyo oun dell zoreli gole. Divyo oun zorelo djal lo pre.

O Debleskro Drom 2021 (Sinte)

³ Baro Dewel, i bare panja hadenn pen. O pani well diwjo un dell soreli gole. Diwjo un sorelo djal lo pre.

Debleskri gili 93:3 Referans Kwoze

Debleskri gili 96:11

O bolepen vell barhtelo, oun i phoub sala. O baro pani stell i barhtyatar oun lauter, hoy an leste hi.

Debleskri gili 18:4

Me sharau o baro Debles! Te dau ap leste gole, lell lo man vin dran i vasta kolendar, hoy mange čilačepen kamenna.

Debleskro tsiro 17:15

Oun o bolepaskro penas ap mande: “Tou dikal, kay beshell koy djouvel, hoy vi-ladjedo koova krell, pash boud panya. Kol panya hi menshe dran haki harmenatsyona, dran hako them, haki natsyona, oun hako rakepen.

Jesaja 55:12

T'mer djan barhteles vin an o lačepen, oun kek rikrell t'men pre. I bare oun i tikne berge denn gole i barhtyatar, te dikenn le t'men. Oun i rouka an o veesh denn an pengre vasta.

Debleskro tsiro 12:15

Oun ko sap kras peskro mouy pre, oun čoungras boud zorelo pani pal koy djouvyate vin, te tassell li an ko pani.

Jona 2:3

oun penas: Me dom gole ap o baro Debleste an miri traash, oun yob rakras mantsa. Har kras o merepen peskro mouy pre, te rhal lo man, kharom tout, oun tou shounal mire laba.

Debleskri gili 46:3

Doleske hi men kek traash, ninna te djals kay phoub tele, oun perens i berge an o baro pani,

Debleskri gili 46:4

ninna te vals o baro pani divyo oun rhoyedo, oun djals savi zoryah pre, te perenn i berge khetne.