Debleskri gili 92:5 - O Debleskro Lab 2024 (Sinte-Manouche)

⁵ Kova, hoy tou kral, baro Devel, moukell man barhteles te givell. Kova, hoy tire vasta lauter kran, sharau me.

O Debleskro Drom 2021 (Sinte)

⁵ Kowa, hoi tu kral, baro Dewel, mukell man bachteles te giwell. Kowa, hoi tire wasta lauter kran, sharau me.

Debleskri gili 92:5 Referans Kwoze

Debleskri gili 40:5

Barhtelo hi ko mensho, kay rikrell pes ap o baro Debleste, oun djal gar kolentsa, kay hi pre-phourde oun rhorhene.

Debleskri gili 139:17

Phares te hayvell hi mange kova, hoy tou an tiro shero rakreh, mo Devel. Har boud hi kova!

1. Korintarja 2:10

Men das o Devel peskro Dourho. Oun o Dourho sikrell men kova, hoy hi o Debles an o dji. O Debleskro Dourho dikell an halauter, ninna an o Debleskro dji.

Debleskri gili 111:2

Baro hi kova, hoy o baro Devel lauter kras. Koneske kova an o shero trouyel djal, kova vell barhtelo.

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!

Jesaja 28:29

Ninna kava djal vin o baro Deblestar, ko rayestar pral o bolepen oun i phoub. Kova, hoy yob peske glan las, hi yaake shoukar, te ačell menge o rakepen krik. Oun leskro gosvepen hi baro.

Debleskri gili 104:24

Baro Devel, har baro oun boud hi kova, hoy tou halauter kral! Har goseves kral tou halauter! I phoub hi pherdo o tselo koova, hoy tou kral.

Debleskri gili 66:3

Penenn ap o Debleste: Har baro hi kova lauter, hoy tou kral. Kolla, kay tout gar kaman, hounte čivenn pen tele glan toute, glan tiri bari zoor!

Jeremia 23:20

O baro Debleskri rholi moukell gar tele, bis te kras lo, hoy les glan his. I tsiro vell, kay hayvenn t'mer kova.

Sikepaskro 7:24

Lauter, hoy koy hi, hi phares te hayvell. Oun hoske kova yaake hi, djinell kek.

Debleskri gili 36:6

Baro Devel, tiro lačepen hi yaake baro har o bolepen. Oun tiro kamlepen ap tire menshende djal bis pash i volke.

Debleskri gili 64:6

Yek krell o vavares zoreles an lengro čilačo koova. Oun yon rakrenn pen tele, har nay čivenn le dorya vin, te perenn i vavar dren, oun penenn pashel: “Koon dikell kova?”