Debleskri gili 86:8 - O Debleskro Lab 2024 (Sinte-Manouche)

⁸ Miro ray, dell kek debles har tout. Kek nay krell kova, hoy tou kreh.

O Debleskro Drom 2021 (Sinte)

⁸ Miro rai, dell kek debles har tut. Kek nai krell kowa, hoi tu kreh.

Debleskri gili 86:8 Referans Kwoze

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

5. Mose 3:24

“Baro Devel, miro ray, tou sikral man, tiro boudepaskres, tiro barepen oun tiro zorelo vast. An o bolepen oun ap i phoub hi kek vavar devel, kay nay krell savo baro koova an savi bari zoor har tou.

Debleskri gili 89:6

Baro Devel, o bolepen sharell, hoy tou an tiri zoor lauter kral, I bolepangre sharenn, har hako tsiro pash tire menshende rikral.

Daniel 3:29

Oun yaake penau me kanna: Koon i tsele menshendar dran hako them oun rakepen rakrell djoungeles pral ko Debleste, koles o Shadrak oun o Meshak oun o Abed-Nego an-mangenn, kova vell an kotya dino. Oun koleskro kheer vell pash dino. Hi kek vavar devel, kay nay lell yekes yaake dran o merepen vin har yob.”

Debleskri gili 89:8

Kote, kay i bolepangre khetne venn, o Deblestar yon darenn. Kolla lauter, kay hi troul leste, hi dareno tardo glan o baro Debleste.

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Jesaja 40:25

“Koon hi yaake har me”, poučell o čačo Devel, te nay penenn t'mer: “O baro Devel hi yaake har kova?”

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

Jesaja 40:18

Koon hi har o Devel? Hi čomone yaake har yob?

Debleskri gili 136:4

Yob kokres krell baro koova, hoy kek vavar nay krella. Leskro lačepen ačella hako tsireske!

2. Mose 8:6

Oun yob penas: “Taysar.” Oun o Mose penas: “Yaake har tou penal, yaake te dikess oun hayvess, te hi kek vavar yaake, har maro baro Devel.

2. Familjakro liil 2:4

Oun ko kheer, hoy me kamau te krell, hounte vell baro; maro Devel hi bareder har hako vavar devel.

Debleskri gili 89:7

Koon an o bolepen hi yaake har tou, maro baro Devel? Havo Devel nay vell yaake har maro baro Devel?

Debleskri gili 95:3

O baro Devel hi o pralstouno Devel, o baro ray pral i tsele debla.

Debleskri gili 135:5

Kanna djinau: O baro Devel hi o pralstouno. Maro baro Devel hi bareder har hako vavar devel.