Debleskri gili 86:1 - O Debleskro Lab 2024 (Sinte-Manouche)

¹ O David mangas o Debles kol labentsa: Baro Devel, me hom čorvelo, oun mange djal gar mishto. Shoun, har dau ap toute gole, oun rake mantsa!

O Debleskro Drom 2021 (Sinte)

¹ O David mangas o Debles kol labentsa: Baro Dewel, me hom tchorwelo, un mange djal gar mishto. Shun, har dau ap tute gole, un rake mantsa!

Debleskri gili 86:1 Referans Kwoze

Debleskri gili 31:2

Baro Devel, pash toute vau, te rikress tire vasta pral mande. Mouk man gar čičeske pash toute te vell! Tou hal lačo oun čačo. Doleske le man dran i čilače vasta vin!

Debleskri gili 40:17

Kolla lauter, kay tout rodenna, mou venn le barhtelo pral toute oun givenn i barhtyatar! Kolla, kay mangenn toutar, te less len vin dran o čilačepen, mou penenn le hako tsiro: “Sharedo vell o baro Devel!”

Daniel 9:18

Miro Devel, shoun miro mangepen! Kre tire yaka pre oun dik i tele-phagede barra ko forestar, hoy pal tiro lab kharedo hi. Glan toute ham čiddo maro mangepah oun dikah gar ap o čačepen hoy mer krams, na-a mer dikah ap toute, te kress tou tiro baro dji menge pre.

Mateo 5:3

Barhtele hi kolla, kay djinenna, kay hi le čorvelo glan o Debleste. Yon djivenna o Debleha khetne an o bolepen oun lenn leskro bravlepen.

Debleskri gili 34:6

Kolla, kay ap leste dikenna, lengre yaka venna har i momeli, oun yon hounte ladjenn pen gar.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Jesaja 37:17

Baro Devel, dik, hoy menge djala, oun shoun, har o Sanherib tout, o djido Debles, praasell. Čačo hi, baro Devel, kay maran i raya pral o them Assour i menshen an boud themma, oun kran dran lengre themma i moulo them.

Debleskri gili 142:1

Givede laba o Davidestar. Har khatras yob pes an koy grotta, mangas yob o Debles kal labentsa.

Debleskri gili 140:12

Koles i čilači čip hi, koles te vell kek barht an kava them! Oun i marepangre, te venn le tradedo i bibarhtyatar oun hounte perenn!

Debleskri gili 119:22

Mouk kek ladj ap mande te vell! Mouk len gar pral mande te sal! Me djau miro drom yaake har tou mange sikral.

Debleskri gili 102:17

O baro Devel čivell o foro Sion pale pre, oun moukell pes te dikell an peskro raylepen.

Debleskri gili 17:6

Me dau ap toute gole, oun tou, mo Devel shouneh man. Risse tiro kand pash mande, oun shoun, hoy me ap toute rakrau!

Debleskri gili 102:1

I mangepen yekestar, koleske gar mishto djal, oun koles bouder kek zoor hi, oun kay glan o baro Debleste peskri dji vin čorella.

Debleskri gili 10:14

Tou dikal les. Tou deh yak ap kolende, kolenge le o djipen phares krenn, oun djineh lengre douka, oun leh lengro koova an tiro vast. Ava, i čorvele čivenn pengro djipen an tiro vast. Tou hal ap i rig kolendar, kolen kek dad bouder hi.

Debleskri gili 25:16

Risse tout pash mande, oun kre tiro dji mange pre, me hom yaake mouklo oun kokres.