Debleskri gili 85:2 - O Debleskro Lab 2024 (Sinte-Manouche)

² Baro Devel, tout his i dji tiro themeske, oun lal o Yakobeskre pandle menshen vin dran i čilače vasta.

O Debleskro Drom 2021 (Sinte)

² Baro Dewel, tut his i dji tiro themeske, un lal o Jakobeskre pandle menshen win dran i tchilatche wasta.

Debleskri gili 85:2 Referans Kwoze

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Kolossarja 2:13

An o phouro tsiro, har t'mer an o čilačepen djivan, hans moulo o Debleske, oun hans gar leskre menshe. Kanna kras o Devel t'men o Yezous Kristeha djido, oun las t'mari tseli doosh t'mendar.

Debleskri gili 32:1

Laba o Davidestar. Barhtelo hi kova, koleske o čilačepen, hoy ap leste his, krik lino hi, oun leskri doosh bistedo hi.

4. Mose 14:19

Kanna sike tiro baro lačepen oun biste ko djoungelo koova kal menshendar yaake har tou boud kope lengri doosh bistral ap o drom dran o them Egiptia bis kate.”

Bičepangre 13:39

Koon ap o Yezouseste patsella, koleskri doosh lell o Devel lestar krik.

Jeremia 50:20

An ko tsiro oun an kol divessa vell koy doosh rodedo, hoy o Israel oun o Youda ap pende anan. Oun kote vell kek doosh hatslo. Me lau lat kolendar krik, kay moukom pral ačell. Kova penau me, o baro Devel.

Debleskri gili 78:38

Yob kras lenge peskro dji pre, oun maras len gar. Na-a, yob las lendar i doosh tele. Boud kope rikras yob peskri rholi pale, oun moukas gar peskri tseli rholi ap lende te vell.

Esra 1:2

Yaake rakrell o Cyrus, ko ray pral o them Persia: O baro Devel an o bolepen das man i tsele themma ap kay phoub. Oun yob penas mange, te krap leske i kheer an o foro Yerusalem an o them Youda.

Debleskri gili 126:1

I gili te givell ap o drom an Yerusalem. Har anas men o baro Devel pale pash i berga Sion, hams mer har save, hoy souni denna.