Debleskri gili 83:7 - O Debleskro Lab 2024 (Sinte-Manouche)

⁷ Kolla hi i menshe dran o Edom oun dran o Ismael, dran o Moab, dran i Hagar,

O Debleskro Drom 2021 (Sinte)

⁷ Kolla hi i menshe dran o Edom un dran o Ismael, dran o Moab, dran i Hagar,

Debleskri gili 83:7 Referans Kwoze

Josua 13:5

oun ko tselo them, kay i Gebalarya djivenn, oun kote, kay o kham pre-djal kol tsele berge, kay kharenn Libanon, foun o foro Baal-Gad, hoy tella pash i berga Hermon čiddo hi, bis tele ap o drom, hoy an Lebo-Hamat djal;

Ezekiel 27:9

Dran o foro Gebal van kol boudepangre, kay pengri boudi mishto hayvenn, oun kran, te djal kek pani an o shiffo dren. I tsele shiffe oun kolla, kay ap lende oulerenn, van pash toute, te parenn le pengro koova touha.

Ezekiel 27:3

Oun pen ap ko foro, kay kote tardo hi, kay nay djan i shiffe pral o baro pani, – ko foro, kay boud thementsa, kay pash o baro pani hi, pengro koova parell. Kava penell o baro Devel, maro ray: Tou, Tirus peneh: Me hom o shoukester foro ap i phoub!

Amos 1:9

O baro Devel penell: I menshe dran o foro Tirus kran pale te pale djoungelo koova. Yon dan i tsele pandlen an i vasta kolendar dran o them Edom, oun bistran, kay hi i pandle lengre phrala, oun kay phrala hounte rikrenn khetne. Doleske lenn le pengri phagi oun khaytenn man gar.

1. Samuel 15:2

Kova penell o baro Devel, ko ray pral o bolepen oun i phoub: Me bistrom gar, hoy i Amalekarya i Israelenge kran, har yon pen lenge an o drom čivan, har o Israel dran o them Egiptia vin djas.

1. Samuel 4:1

An ko tsiro van i Filistarya khetne te kourenn le pen i Israelentsa. Oun o Israel djas vin an o kourepen lentsa. Oun i Israelitarya his tardo pash Eben-Eser, oun i Filistarya pash o foro Afek.

1. Familjakro liil 5:10

An ko tsiro, kay o Saul djivas, djan le an o kourepen i menshentsa, kay kharenn Hagararya, oun van zorleder har yon. Oun yaake djivan yon an kolengre plarhtene khera ap kay tseli rig o themestar Gilead, kay o kham pre djala.