Debleskri gili 82:5 - O Debleskro Lab 2024 (Sinte-Manouche)

⁵ T'mer moukenn t'menge či te penell. Dinele han t'mer, oun djan t'maro drom, har te vals kali rat, kay dikenn či. Doleske dell kek čačepen bouder ap kay phoub.

O Debleskro Drom 2021 (Sinte)

⁵ Tumer mukenn tumenge tchi te penell. Dinele han tumer, un djan tumaro drom, har te wals kali rat, kai dikenn tchi. Doleske dell kek tchatchepen buder ap kai phub.

Debleskri gili 82:5 Referans Kwoze

Debleskri gili 11:3

Te perell lauter an kotya, nay krell kova či, kay an o čačepen tardo hi.”

Micha 3:1

Oun o Mika penas: T'mer pralstoune an o kheer Yakob, t'mer raya an o kheer Israel! Shounenn, hoy t'menge penau! T'mer hounte vans kolla, kay djinenn, hoy o čačepen hi.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Gosewe laba 2:13

oun o čačo drom moukan, oun i djipen an o čilačepen djivenn.

1. Johanni 2:11

Koon peskro phraleske čilačepen krella, kova djivell har an i kali rat, oun djal i drom, kay dikell lo nay gar. Yob djinell gar, kay yob djala. An i rat hi lo, har te vals lo korelo.

Johanni 12:35

Penas o Yezous ap lende: “Koy momeli hi gar bouder rah pash t'mende. Djan t'maro drom yaake rah, har koy momeli pash t'mende hi, te vell gar i rati pral t'mende! Koon an i rati djala, djinell gar, kay yob djala.

Gosewe laba 1:29

Yon kaman o čačepen gar te djinell, oun gar o baro Debleha te djivell.

Debleskri gili 14:4

“Djinenn kol čilače gar, hoy yon krenna”, penell o baro Devel, – “kolla, kay rhan mire menshen har i kotar maro? Oun ap mande denn le gar gole.”

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.

Johanni 3:19

O Debleskri bari momeli vas ap kay phoub. Oun kol menshe, kay krenn o čilačepen, kaman o tamlepen boudeder har koy momeli. Doleske hi i phagi pral lende vi-rakedo.

Jesaja 59:9

Doleske dell men o Devel gar maro čačepen, oun leskro lačepen vell gar ap mende. Hoske bičrell lo menge kek momeli? Lauter, hoy dikah, hi kali rat. Kaana djal menge o kham pre? An o pessester kalepen nashah mer trouyel.

Jesaja 5:7

O kheer Israel hi o drakengro them o baro Deblestar, ko rayestar pral o bolepen oun i phoub. Oun i morsha an o them Youda hi kol drakengre rouka, hoy yob an i phoub čivas oun pral kolende yob barhtelo his. Ap lende dikas lo, te anenn le o lačepen glan. Oun hoy vas, his čilačepen. Yon te dans hakenes peskro čačepen, oun kran, hoy his či har čilačepen.

Debleskri gili 53:4

Halauter rissran pen lestar krik, oun djivenn i djoungelo djipen, yek har ko vavar. Kek hi koy, kay krell o lačepen, ava kek!

Sikepaskro 3:16

Ninna dikom ap i phoub, kote kay hounte rakrans i čačepangre o čačepen, his o čilačepen o ray. Oun kote, kay hounte djans le pal o čačepen, rakran le rhorhepah.

Sikepaskro 2:14

Kova, kay gosevo hi, dikell, kay lo djal. O dinelo nashell an i rati. Oun ninna hayvom, yekeske djal har o vavareske.

Gosewe laba 4:19

O drom kolendar, kay o čilačepen krenn, hi har i kali rat; yon nay dikenn gar, pral hoy yon perenn.

Debleskri gili 75:3

“Te vas miro tsiro”, penell o Devel, “rakrau o čačepen vin pral hakeneste.

Hiob 8:9

Hi yaake har te vams boldo taysar. Mer djinah či. Maro tsiro, kay ham ap kay phoub, hi tikno har i souni.

Debleskri gili 99:1

O baro Devel hi o baro ray. Yob hi beshdo pral i Keroubim. Lestar darella i phoub, oun hake themma trissenna.