Debleskri gili 79:3 - O Debleskro Lab 2024 (Sinte-Manouche)

³ Lengro rat nashas har pani troul o foro Yerusalem, oun kek his koy, kay len paskras.

O Debleskro Drom 2021 (Sinte)

³ Lengro rat nashas har pani trul o foro Jerusalem, un kek his koi, kai len paskras.

Debleskri gili 79:3 Referans Kwoze

Jeremia 16:4

Lendar hounte merenn ap pharo nasslepen, oun kek rovell pral lende oun paskrell len. Yon ačenn čiddo ap i harhetikri phoub har firhengro foul. Vavar merenn an o kourepen. Oun ninna vavar merenn i bokatar. Oun i čirkle oun i divye firhe rhan len pre.

Jeremia 14:16

Yaake djal ninna kol menshenge, kay shounenn ap lende. Yon hi moulo čiddo ap i dromma an Yerusalem. I bok oun o rharo maras len. Oun kek paskrell len, lengre romyen oun lengre čaven. Me anau čilačepen pral lende, yaake har yon čilačepen kran.

Debleskro tsiro 11:9

Oun boud menshe dran hako them, haki natsyona, haki harmenatsyona oun hako rakepen dikenn kol moule morshen ap o drom čiddo triin divessa oun i paash dives, oun moukenn gar, te venn yon paskedo.

Debleskro tsiro 18:24

Ninna nashas an o foro o rat, hoy ratan kol Debleskre rakepangre oun o Debleskre menshe, kay kote maredo van, ava, o rat kolendar lauter, kay ap i phoub maredo van.”

Debleskro tsiro 17:6

Oun me dikom, kay koy djouvel mato his o ratestar, hoy nashas, har o Debleskre menshe maredo van, kolla, kay patsan ap o Yezouseste oun dan pengro patsepen gar pre. Oun me nashte patsom gar, hoy dikom.

Debleskro tsiro 16:6

Yon maran tire menshen, ninna tire rakepangren, oun moukan lengro rat te nashell. Oun kanna hounte piyenn le o rat. Kova hi lengri phagi.”

Remarja 8:36

An o Debleskro lab hi činlo: Mer ham tiro. Doleske kamenn le men hako tsiro te marell. Yon dikenn ap mende, har te vams bakre, hoy venn maredo.

Mateo 23:35

T'mer han čilačo har t'mare phoure. Yon maran i lače menshen yaake rah har i phoub tardo hi: O lačo morsh Abel vas maredo glan i tsele vavar menshende. Pal leste maran le vavar lače menshen bis ap ko tsiro, kay o Zakari maredo vas, koleskro dad his o Baraki. O Zakares maran t'mer mashkral o Debleskro kheer oun i sasterni rhačepaskri, kay i firhe o Debleske rhačedo venna. Doleske vell i phagi ap t'mende, kay kanna djivenna.

Jeremia 34:20

Oun me dau len an i vasta kolendar, kay kamenn len te marell, oun lenge ap o djipen djan. Oun lengro moulo mass vell o rhapen i čirklenge oun i divye firhenge.

Jeremia 25:33

Ap ko dives marell o baro Devel menshen ap i tseli phoub yek rigyatar ap i vavar. Oun i moule menshe hi koy čiddo, oun kek rovell pral lende, hadell len pre oun paskrell len. Yon ačenn čiddo har foul ap i phoub.

Jeremia 15:3

Me, o baro Devel, lom man glan, te anap star kope pharo koova pral lende: o rhareha te venn le moulo dino, i djoukle tserdenn len krik, i čirkle rhan len, oun kova hoy lendar pral ačell, rhan i divye firhe pre.

Debleskri gili 141:7

Yaake har o harho i phoub pre phagell oun trouyel vitsrell, yaake hi lengre kokale trouyel čiddo. Oun o moulengro them krell peskro mouy lenge pre.

Debleskri gili 79:10

Hoske nay penenn i vavar menshe: Kay hi t'maro Devel? Mouk men te dikell, har tou len khetne stakreh koleske, kay maran le tire boudepangre!

Zefanja 1:17

I menshe kran čilačepen ap mande. Doleske krau len darenes, te nashenn le trouyel har korele menshe. Lengro rat te nashell ap i phoub har čik, hoy krik vitsedo vell. Oun lengre bouke venn krik vitsedo har te vans le foul.