Debleskri gili 78:8 - O Debleskro Lab 2024 (Sinte-Manouche)

⁸ yaake te venn le gar har pengre phoure, kay o Debleskro dromestar tele peran, oun kaman gar te shounell. Kolengre djia his gar zorelo, oun yon his gar pengro tselo djiyeha pash o Debleste.

O Debleskro Drom 2021 (Sinte)

⁸ jaake te wenn le gar har pengre phure, kai o Debleskro dromestar tele peran, un kaman gar te shunell. Kolengre djia his gar sorelo, un jon his gar pengro tselo djijeha pash o Debleste.

Debleskri gili 78:8 Referans Kwoze

Debleskri gili 78:37

Pengre djiyentsa his le gar pash leste, oun ap leskre laba, hoy le leha vin kran, rikran le gar pengro tselo djiyeha.

2. Mose 32:9

Oun o baro Devel penas ap o Mose: “Me dikau, kay djivenn kol menshe pal pengro shero oun kamenn gar te shounell.

Ezekiel 20:18

Oun me penom lengre čavenge an o moulo tato them: Ma rikrenn t'men ap kol laba, pal kolende t'mare phoure djivan! Ma djivenn pal lengre čačepangre laba! Rikrenn t'men pale lengre rhorhene deblendar, te venn t'mer gar pale-čiddo!

2. Rajengro liil 17:14

Yon kaman gar te shounell, oun pandan pengre djia har lengre phoure ninna kran, kay patsan gar lengro baro Debles.

5. Mose 31:27

Me djinau, har djan t'mer pal t'maro shero oun kamenn gar te shounell. Ninna kanna, kay gomme pash t'mende djivau, moukenn t'menge či o baro Deblestar te penell. Har vell kova, te hom moulo?”

Bičepangre 7:51

Oun o Stefano penas doureder ap lende: “T'mer kamenn či te hayvell. T'maro dji hi har bar. T'mare kandentsa shounenn či, oun kamenn gar ap o Debleskro Dourho te shounell. Yaake kran t'mare phoure. Yaake krenn ninna t'mer.

Ezekiel 20:8

Yon moukan pen či mandar te penell, oun kaman gar ap mande te shounell. Kek vitsras kol djoungele figuren krik, hoy lo an-mangas. Kol egiptikre deblen kaman le gar te moukell. Kote kamom miri rholi pral lende vin te čorell. Gomme kote an o them Egiptia kamom miri tseli rholi ap lende vin te moukell.

2. Familjakro liil 30:7

Ma avenn yaake har t'mare dada oun t'mare phrala, kolla kay moukan o baro Debles, ko Devel pengre phourendar! Doleske moukas lo len an i bibarht te nashell, har t'mer les kanna dikenna.

5. Mose 9:24

Yaake rah har prindjrau t'men, hi t'men sherya har barra oun krenn gar, hoy o baro Devel t'menge penell.

5. Mose 9:13

Oun o baro Devel rakras pale mantsa oun penas: “Me dikau, kay djivenn kol menshe pal pengro shero oun kamenn gar te shounell.

2. Mose 33:5

Yaake kran le, hoy o baro Devel o Moseske penas. Leske penas lo: “Pen ap i Israelitarya: T'mer djivenn pal t'maro shero oun kamenn gar te shounell. Te voms me t'mentsa i tikno tsiro ap o drom, doms me t'men moulo. Čivenn kanna t'maro sonakay oun roup tele! Pal kova kamau me dikell, hoy t'mentsa krau.”

2. Mose 33:3

Yaake anau t'men an ko them, kay hi boud thoud oun gvin. Me vau gar t'mentsa. T'mer djivenn pal t'maro shero oun kamenn gar te shounell. Oun me doms nay t'men moulo ap o drom, te djoms t'mentsa.”

Bičepangre 11:23

Har yob koy his oun dikas, hoy o Devel an peskro baro lačepen kote lauter kras, vas lo barhtelo oun mangas len, te ačenn le pengro tselo djiyeha pash o Yezouseste.

Jesaja 30:9

Kal menshe peran mandar tele. Har čave hi le, kay rakrenn rhorhepen, oun kamenn gar mire laba te shounell.

Debleskri gili 106:7

Mare phoure hayvan gar ko baro zorelo koova, hoy tou an o them Egiptia kral, oun bistran har boud lenge lačes hals, oun hadan pen pral toute pash o Baro Lolo Pani.

Debleskri gili 68:6

O Devel, kay djivell an peskro raylo kheer, yob hi i dad kolenge, kolen kek dad bouder hi. Oun yob vell kol romyenge ap i rig, kolengro rom meras.

Hiob 11:13

Tou, Hiob, hounte rissress tout tiri tseli zoryah pash o Debleste, oun hadess tire vasta pre leske.

2. Familjakro liil 20:33

Kokres kol platse, kay i moule debla an-mangedo van, moukas lo tardo te ačell. Ap ko tsiro van i menshe gar pengro tselo djiyeha pale pash o Debleste pengre phourendar.

2. Familjakro liil 19:3

Čomone lačes vas pash toute ninna hatslo: Tou rhačral kol figure an o them, hoy i debletsa Ashera sikrenn, oun rodal pal kova, hoy o baro Devel kamell.”

2. Familjakro liil 12:14

Oun o Roboam kras, hoy čilačo his, oun poučas gar pal kova, hoy o baro Devel kamas.

5. Mose 4:4

T'mer, kay rikrenn t'men ap t'maro baro Debleste, t'mer halauter djivenn ninna kava dives.

2. Mose 34:9

“Miro ray, te dikeh tou lačes ap mande, palle dja mentsa, ninna te djan kal menshe pal pengro shero. Biste mari doosh oun ko čilačo koova, hoy kram, oun mouk men pale tire menshe te vell.”

Josua 22:15

Oun har van le an o them Gilead, penan le ap lende:

1. Samuel 8:8

Kanna krenn le touha yaake har yon les mantsa kran. Yaake rah har anom len vin dran o them Egiptia, bis kava dives, moukan le man pale te pale, oun mangan vavar deblen an.

Debleskri gili 78:40

Boud kope hadan le pen ap leste an o moulo tato them, oun doukran leskro dji.

Debleskri gili 78:56

Kolla hadan pen pale te pale ap o Debleste, ko pralstuneste, oun kaman gar ap leste te shounell, oun rikran gar leskre laba.