Debleskri gili 77:2 - O Debleskro Lab 2024 (Sinte-Manouche)

² Me dau gole ap miro Debleste, dau bari gole ap leste. Ava, ap o Debleste dau gole, bis te shounell lo man.

O Debleskro Drom 2021 (Sinte)

² Me dau gole ap miro Debleste, dau bari gole ap leste. Awa, ap o Debleste dau gole, bis te shunell lo man.

Debleskri gili 77:2 Referans Kwoze

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

1. Mose 37:35

Oun leskre tsele čave oun ča van pash leste, te rakrenn le leha lačes. Oun yob kamas gar, te vell leskri douk krik lino. “Na-a” penas yob, “miro dji rovella, bis te merau oun vau pash miro čaveste.” Yaake rovas leskro dad pral o Yosefeste.

Jesaja 26:9

Ratsyake djal miro dji touke palla, o dourho an mande rodell tout taysarlake. Te kreh tou o čačepen vin ap i phoub, palle dikenn lauter, kay ap i phoub djivenn, hoy čačepen hi.

Jesaja 26:16

Baro Devel, an o pharo tsiro rodan tire menshe tout. Har dal len i phagi, dan le darenes ap toute gole.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.

Hosea 5:13

Har dikas o Efrayim peskro nasslepen oun o Youda peskro doukepen, djas o Efrayim an o them Assour, oun poučas kote o baro rayestar, te vell lo leske ap i rig. Kova nay vell t'menge gar ap i rig, vitar gar nay krell lo t'maro doukepen sasto.

Jeremia 31:15

Kova penell o baro Devel: I gole oun zorelo ropen vell shounlo an o foro Rama: I Rachel rovell pral peskre čaven: Yon hi moulo. Oun yoy kamell kek shoukar laba te shounell.

Johanni 11:31

Kol bibolde, kay pash i Mariate an o kheer his, te rakrenn le lačes lah, dikan, har yoy sik pre stas oun vin nashas. Koy djan le lake palla. Yon patsan, yoy djal pash o moulengro kheer, te rovell li koy.

Hosea 6:1

Avenn, te djas pale pash o baro Debleste! Yob doukas men, oun yob krell men pale sasto. Yob das men dava, oun yob pandell men pale khetne.

Gosewe laba 18:14

I mensho kay zorelo an peskro dji hi, nay hidjrell peskro nasslepen. Te hi leskro dji phagedo, har nay hidjrell lo peskro pharepen?

Debleskri gili 86:7

Ap ko dives, kay mange ropaske hi, dau ap toute gole, oun tou shouneh man.

Debleskri gili 63:6

Tou kreh miro dji yaake čalo oun barhtelo, har te rhap i shoukar rhapen. Miro mouy givell touke i gili oun sharell tout.

Debleskri gili 18:6

I moulengro them pandas peskre shelle troul mande, oun o merepaskre shelle tserdan man tele.

Hiob 11:13

Tou, Hiob, hounte rissress tout tiri tseli zoryah pash o Debleste, oun hadess tire vasta pre leske.

2. Familjakro liil 6:28

Nay vell i bari bok pral kava them, ninna i djoungelo nasslepen, i tsiro, kay dell kek brishin, i nasslepen ap o djob, boud stepangre oun kirme, kay rhan o tselo zenlepen, lourde, kay venn dran vavar themma oun čivenn pen troul i forya oun pandenn len dren – havi bibarht oun nasslepen ninna vella,

1. Mose 32:28

Koy poučas lestar ko morsh: “Har khareh tou?” “Yakob”, penas yob.

Debleskri gili 55:17

Me dau ap miro Debleste gole. Oun o baro Devel lell man vin dran lengre vasta.