Debleskri gili 74:9 - O Debleskro Lab 2024 (Sinte-Manouche)

⁹ Kek sikepen hi bouder kay, hoy men sikrell, te hal tou pash mende. Kek Debleskro rakepaskro hi bouder kay. Oun kek djinella, har rah kova yaake ačell.

O Debleskro Drom 2021 (Sinte)

⁹ Kek sikepen hi buder kai, hoi men sikrell, te hal tu pash mende. Kek Debleskro rakepaskro hi buder kai. Un kek djinella, har rah kowa jaake atchell.

Debleskri gili 74:9 Referans Kwoze

Amos 8:11

I tsiro vella, penell o baro Devel, maro ray, koy bičrau i bok an o them. Kaya hi kek bok pal maro oun kek troush pal pani. Na-a, kaya hi i bok pal o lab o baro Deblestar, te shounenn le les.

Ezekiel 7:26

Bibarht pal bibarht vell. Pale te pale shounenn le, havo djoungelo koova vas. Čičeske djan le pash o Debleskre rakepangre, oun poučenn lendar, hoy o baro Devel sikras len. Vitar gar i rashaya nay penenn lenge, hoy te krenn le. Oun i phoureder djinenn kek drom vin dran o merepen.

1. Samuel 3:1

An ko tsiro, har boudras o terno Samuel o baro Debleske tel o rashayeste, o Eli, rakras o baro Devel gar boud kope ap yekeste. His vitar gar boud kope, kay dikas yek i Debleskro dikepen.

Micha 3:6

Doleske vell pral t'mende kali rati. T'mer dikenn bouder kek dikepen. Kek lab o Deblestar vell t'men. O kham djal tele t'menge, oun o dives hi t'menge har i rati.

Ropaskre gilja 2:9

O foreskre voudya peran oun hi čiddo an i čik. Lengre pesse pandepangre kashta phagas lo an kotya. Lengro baro ray oun lengre pralstoune djivenn an vavar themma. Kek hi koy, kay sikrell i menshenge o Debleskro drom. O Debleskre rakepangren hi bouder či te penell. O baro Devel sikras len či.

2. Mose 12:13

O rat ap i khera sikrell mande, kay t'mer han. Oun dikau me o rat, djau me doureder, te djal t'menge či. Oun ko merepen, hoy anau ap o them Egiptia, vell gar ap t'mende.

Hebrearja 2:4

Oun o Devel das len peskri zoor, te krenn le baro oun zorelo koova, hoy kek vavar mensho nay krella. Yaake sikras lo, te penan le o čačepen. Ninna das lo i patslende peskro Dourho oun peskri zoor, te krenn le peskri boudi mashkral i menshende. Hakeneste das lo i zoor, te krell yob koy boudi, hoy o Devel lestar kamas.

Ezekiel 20:12

Ninna čivom o dives dren, hoy mange hi, kay hounte boudrenn le gar. Ko dives his o sikepen koleske, hoy vin kram. Yaake kamom, te djinenn i Israelitarya, kay me, o baro Devel, rodom len mange vin, te venn le mire menshe.

Čačepangre 6:17

Kote penas lo: “Te hal tou mange lačo, palle de man čomone, hoy man sikrell, te hal tou čačepah o baro Devel, kay mantsa rakrell.

Micha 3:7

Oun i dikepangre hounte ladjenn pen, oun i dourkepangre venn sapaske. Kek lab o Deblestar hi pash lende. I ladjatar hounte rikrenn le halauter i diklo glan pengro mouy.