Debleskri gili 74:4 - O Debleskro Lab 2024 (Sinte-Manouche)

⁴ Bari gole dan le an tiro kheer, oun čivan kol plarhte pre, hoy sikrenn, te hi yon i zorleder.

O Debleskro Drom 2021 (Sinte)

⁴ Bari gole dan le an tiro kheer, un tchiwan kol plachte pre, hoi sikrenn, te hi jon i sorleder.

Debleskri gili 74:4 Referans Kwoze

Ropaskre gilja 2:7

Foun peskro altaro kamell lo bouder či te djinell. Peskro khereske sikrell lo o doumo. Leskre massurya das lo kolenge an o vast kay maro foro paash kran, oun koy pashel i bari gole dan an o baro Debleskro kheer, har an kol bare divessa, kay kote boud menshe khetne van.

Mateo 24:15

Glan i rah tsiro rakras o Debleskro rakepaskro Daniel pral koy djoungeli čilači figura. Koon kava draverella, kamaus, te hayvell lo les ninna. Ap ko dives, kay dikenn t'mer koy djoungeli čilači figura an o Debleskro baro kheer tardo,

2. Familjakro liil 36:17

Oun o baro Devel moukas o baro rayes Neboukadnezar dran o them Babilonia pral lende te vell. Leskre lourde maran i terne morshen o rhareha, ninna an o Debleskro kheer. O baro rayes dran Babilonia khaytas kek, gar i terne morsha, vitar gar i terne ča, gar i phoure, ninna te his le nasselo. Halauteren das o baro Devel an leskro vast.

4. Mose 2:2

har i Israelitarya hounte čivenn pengre plarhtene khera pre. Oun yob penas: Hakeno hounte čivell peskro kheer pre pash koy pre-čiddo kotar than, hoy sikrella, have menshendar yob hi. I tsele khera venn pre-čiddo troul o Debleskro plarhteno kheer.

Debleskro tsiro 13:6

Oun yob praasas o Debles, oun rakras djoungeles pral leskro lab oun leskro kheer. Ninna kolen, kay an o bolepen djivenna, praasas lo.

Louka 21:20

“Te dikenn t'mer, kay boud lourde troul o foro Yerusalem tardo hi, palle djinenn t'mer, kay yon ko foro paash krenna.

Louka 13:1

An ko tsiro van menshe pash o Yezouseste, oun penan leske kol morshendar dran o them Galilea, kay an o Debleskro baro kheer firhen o Debleske maran. Oun o Pilato maras kol menshen. Oun o menshengro rat oun o firhengro rat vas lauter khetne.

Daniel 6:27

Kava hi hoy t'mendar kamau: An i tsele themma, kay me baro ray hom, hounte darell hakeno o Danieleskro Debles peskro tselo djiyestar. Yob hi o djido Devel, oun ačella hako tsireske. An kek tsiro nashrell lo peskri rayeskri zoor. I tsele tsirenge ačell lo baro ray.