Debleskri gili 71:19 - O Debleskro Lab 2024 (Sinte-Manouche)

¹⁹ Miro Devel, tiro čačepen djal bis pash o bolepen. Tou, kay kreh baro koova, koon hi yaake har tou, miro Devel?

O Debleskro Drom 2021 (Sinte)

¹⁹ Miro Dewel, tiro tchatchepen djal bis pash o bolepen. Tu, kai kreh baro koowa, koon hi jaake har tu, miro Dewel?

Debleskri gili 71:19 Referans Kwoze

Debleskri gili 35:10

Lauter, hoy an mande hi, penell: Baro Devel, koon hi yaake har tou? Tou leh o čorveles vin dran i vasta kolendar, kay zorleder hi har yob. Tou leh koles, kay bibarhtelo oun čorvelo hi, vin dran i vasta kolendar, kay čoran leskro koova.

Debleskri gili 57:10

Mank i menshende dran boud themma kamau tout te sharell, miro ray. Glan i natsyone kamau touke te givell.

Jesaja 55:9

Yaake dour o bolepen pral i phoub hi, yaake dour hi ninna mire dromma pral t'mare dromma, oun kova hoy mange an miro shero djal, hi feteder har kova, hoy t'menge an t'mare sherya djal.

Louka 1:49

Baro koova kras yob ap mande. Les hi i tseli zoor, oun leskro lab hi bareder har hako vavar lab.

Jeremia 10:7

Hakeno hounte trashell toutar oun hounte hadell tout. Tou hal o baro ray pral i themma! Ap toute hounte shounenn le. Mashkral kol tsele gosevende oun bare rayende ap kay phoub hi kek yaake har tou hal.

Jesaja 40:25

“Koon hi yaake har me”, poučell o čačo Devel, te nay penenn t'mer: “O baro Devel hi yaake har kova?”

Jesaja 40:18

Koon hi har o Devel? Hi čomone yaake har yob?

Debleskri gili 86:8

Miro ray, dell kek debles har tout. Kek nay krell kova, hoy tou kreh.

Debleskri gili 72:18

Sharas o baro Debles, ko Debles pral o Israel. Yob kokres krell baro oun zorelo koova!

Hiob 5:9

Yob hi kova, kay krell boud baro oun zorelo koova, hoy kek hayvell oun kek vavar nay krell.

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

Jesaja 5:16

O baro Devel, ko ray pral o bolepen oun i phoub sikrell peskri zoor, oun krell, hoy čačo hi. O čačo Devel sikrell, te hi lo kokres o Devel, kay rakrell o čačepen vin.

Gosewe laba 15:24

Kova, kay hayvell, hoy mishto oun gar mishto hi, koleske djal peskro drom pre an o djipen. Oun yob rikrell pes pale o dromestar, kay djal tele pash i moulende.

Debleskri gili 139:6

Tou prindjreh man yaake mishto, kova hi mange bares oun phares. Me nay hayvau kova gar.

Gosewe laba 24:7

I dinelo hayvell gar goseve laba. Kote, kay i čačepangre khetne venna, nay krell lo peskro mouy gar pre.

5. Mose 3:24

“Baro Devel, miro ray, tou sikral man, tiro boudepaskres, tiro barepen oun tiro zorelo vast. An o bolepen oun ap i phoub hi kek vavar devel, kay nay krell savo baro koova an savi bari zoor har tou.

Debleskri gili 36:7

Tiro čačepen djal yaake pre har i bare berge. Oun i čače laba, hoy tou vin rakreh, djan dour tele har o baro pani. Baro Devel, tou deh i menshen oun i firhen kova, hoy len hounte vell.