Debleskri gili 7:6 - O Debleskro Lab 2024 (Sinte-Manouche)

⁶ palle mou lenn man palla kolla, kay hi rhoyede ap mande! Mou taprenn le man, oun vitsrenn man ap i phoub, oun moukenn le man an i čik čiddo!

O Debleskro Drom 2021 (Sinte)

⁶ palle mu lenn man palla kolla, kai hi chojede ap mande! Mu taprenn le man, un witsrenn man ap i phub, un mukenn le man an i tchik tchiddo!

Debleskri gili 7:6 Referans Kwoze

Debleskri gili 44:23

Tire menshe ham mer. Doleske vah mer o tselo tsiro moulo dino, har vams firhe, hoy venn maredo.

Debleskri gili 35:23

Hade tout! Ste pre, oun de man miro čačepen! Le miro koova an tiro vast, mo Devel oun mo ray!

Debleskri gili 3:7

Me darau gar deesh-zerya lourdendar, kay djan ap mande hake rigyendar.

Jesaja 33:10

“Kanna kamau me pre te stell”, penell o baro Devel. “Kanna hadau man oun sikrau miri zoor.”

Debleskri gili 138:7

Ninna te hom an i daar, deh tou man nevi zoor, oun čiveh tout kolenge an o drom, kay kamenn mange čilačepen te krell. Tiri zoryah veh tou ap miri rig.

Debleskri gili 44:26

An i čik ham vitsedo. Oun mer nay stah gar pre.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Jesaja 37:20

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”

Jesaja 3:13

Koy vell lo, o baro Devel, te penell lo, kones čačes hi an o čingepen. Yob hi koy tardo, te krell lo o čačepen vin pral peskre menshende.

Debleskri gili 103:6

O baro Devel čivell o čačepen pre, oun dell kolende pengro čačepen, kay venn tele rikedo.

Debleskri gili 78:65

Koy stas o baro Devel pre, har yek, kay sovas oun pre djangras. Zorelo his lo har yek, kay pash i pipen barhtelo vas.

Debleskri gili 74:3

Ab kay oun dik kol barra čiddo, hoy tiro kheer his. Halauter hi paash dino kolendar, kay hadan pen pral toute.

Debleskri gili 73:20

Yon hi har i souni, hoy yek bistrell, te stell lo pre. Yaake bistreh tou len ap ko tsiro, kay hadeh tout tou, baro Devel.

Debleskri gili 59:5

Ninna te krom me kek čilačepen, nashenn le kay, te denn le man moulo. Ste pre! Ab oun dik les touke kokres an!

Debleskri gili 35:1

I gili o Davidestar. Baro Devel, le miro koova an tiro vast oun činge kolentsa, kay mantsa čingrenna! Koure tout kolentsa, kay kourenn pen mantsa!

Debleskri gili 12:5

oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

2. Samuel 17:14

Koy penas o Absalom oun hakeno an Israel: “Kova hoy o Houshay penas, hi feteder har kova, hoy o Ahitofel penas.” Yaake kras o baro Devel, kay kek kova kras, hoy o Ahitofel an leskro gosvepen penas. O baro Devel kamas i bibarht pral o Absalom te anell.

Debleskri gili 143:3

Kova, kay mange čilačepen kamell, lell man palla, stakrell miro djipen an i phoub. Me hom har an i stilepen, kay kali rat hi, hom har kolla, kay meran glan i rah tsiro.