Debleskri gili 7:5 - O Debleskro Lab 2024 (Sinte-Manouche)

⁵ te homs čilačes ap kolende, kay mange lačes kaman, oun kolendar čoroms, kay les mange phares kran, ninna te krom me lenge či,

O Debleskro Drom 2021 (Sinte)

⁵ te homs tchilatches ap kolende, kai mange latches kaman, un kolendar tchoroms, kai les mange phares kran, ninna te krom me lenge tchi,

Debleskri gili 7:5 Referans Kwoze

Zakarie 10:5

I menshe an o them Youda venn zoreles har bare kourepangre, kay stakrenn kolen tele an i čik ap o drom, kay kourenn pen lentsa. O baro Devel hi lentsa an o kourepen. Ninna i klissepangre hounte tserdenn pen pale glan lende.

Habakuk 3:13

Tou djal vin, te vess ap i rig tire menshenge, oun o rayeske, koles tou vin rodal. I dacha ap o kheer o čilačestar dal tou khetne. Oun leskro kheer rissral trouyel bis ap i telstoune barra.

Jeremia 17:13

Tou, baro Devel, hal kova, ap koleste i Israelitarya dikenn. Pral halauterende, kay moukan tout, vell ladj. Oun kolla, kay djan toutar krik, kolengre laba venn bistedo har te vans le činlo an i čik. Yon moukan tout, o baro Debles, kova, kay hi har i kvella, dran kolate djido pani vell.

Jesaja 63:3

Me stakrom kol drake kokres, oun i menshendar dran vavar themma his kek pash mande. Me stakrom len miri rholyah, ava, bari rholyah stakrom len khetne. Oun lengro rat vas ap mire koola, oun miri baya vas ratlo.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Debleskri gili 60:12

Koon nay krell kova, har tou kokres, maro Devel? Tou moukal men oun djah gar vin mare lourdentsa an o kourepen.

Debleskri gili 49:12

Paskedo venn le oun ačenn an lengre moulengre khera hako tsiro, ninna te das i tsiro, kay dan le pengro them pengro lab.

Debleskri gili 44:5

Tou hal miro baro ray, miro Devel. Tou hal kova, kay krell, te venn o Yakobeskre čave o zorleder an o kourepen.

Debleskri gili 3:2

Baro Devel, dik, har boud hi kolla, kay ap mande djan! Dik, har boud hadenn pen ap mande!

Hiob 16:15

Me sivom mange i gono troul mande, oun hom čiddo kek zoryah an i čik.

1. Samuel 24:11

Kava dives nay dikeh tire yakentsa, te das tout o baro Devel an mire vasta, har hals tou an koy grotta. Oun mange penan le, te dap tout moulo. Oun me krom tout či. Me penom mange: Me kamau gar miro vast ap miro rayeste te čivell, koles o baro Devel vin rodas, te vell lo baro ray.

1. Samuel 24:18

Oun palle penas lo ap o David: “Tou hal feteder an o čačepen tardo har me. Tou hals ap mande lačes, me homs čilačes ap toute.

1. Samuel 24:20

Kay hi yek, kay hatsell koles, kay kamell les te marell, oun moukell les an o kamlepen peskro drom te djal? O baro Devel moukell touke lauter mishto te djal koleske, hoy kava dives ap mande kral!