Debleskri gili 7:16 - O Debleskro Lab 2024 (Sinte-Manouche)

¹⁶ Yob hadas i rheb vin, hoy djas dour tele, oun peras palle kokres dren, – an koy rheb, hoy yob i vavareske vi-hadas.

O Debleskro Drom 2021 (Sinte)

¹⁶ Job hadas i cheb win, hoi djas dur tele, un peras palle kokres dren, – an koi cheb, hoi job i wawareske wi-hadas.

Debleskri gili 7:16 Referans Kwoze

Ester 9:25

An ko liil his ninna tardo, har i Ester pash o baro rayeste djas oun har kova an i liil penas, te vell o Hamaneha ko čilačo koova kerdo, hoy yob kamas i biboldentsa te krell. Oun yaake vas o Haman oun peskre čave ap i bare kashta pre bladedo.

Debleskri gili 36:12

Mouk i pre-phourden gar te stakrenn le man tele. Kre te nay tradenn man i čilače gar dran miro kheer vin.

1. Samuel 28:19

Ninna i Israelitaryen dell o baro Devel touha khetne an i Filistarengro vast. Taysar hal tou oun tire čave pash mande. Oun i tsele Israelengre lourden dell o baro Devel an o Filistarengro vast!”

1. Samuel 26:10

Palle penas lo: “Me dau man sovel pash o djido Debleste: Yob kokres marell les, nay vell ap leskro tsiro, kay hounte merell lo, nay vell an o marepen.

1. Samuel 23:9

Har o David hayvas, te hi o Saules čilačepen an o dji oun kamas ap leste te djal, penas lo ap o rashayeste Abyatar: “An mange o rashayeskri damdira kay!”

Debleskri gili 36:4

Či har midjak oun rhorhene laba venn dran leskro mouy vin. Lačo koova hayvell lo bouder gar te krell.

1. Rajengro liil 21:19

Rake leha oun pen leske, hoy me, o baro Devel, leske penau: Hi kova gar doha, te maral i morshes? Hounte čoress tou kanna leskro kotar them? Me, o baro Devel, penau touke: Ap ko kotar phoub, kay i djoukle piyan o rat o morshestar Nabot, kote piyenn i djoukle tiro rat ninna.”

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Hiob 4:8

Yaake har me les dikom, vell čilačepen pral kolende, kay čilačepen kran, oun bibarht pral kolende, kay bibarht ap vavarende anan.

Debleskri gili 9:16

I menshe an vavar themma, peran an koy rheb, hoy yon i vin hadan. An koy netsa, hoy yon vin čivan, tapran le pen kokres.

Debleskri gili 35:8

Mouk i bibarht pral lende te vell yaake sik har i dap! Mou perenn le an koy netsa, hoy yon čivan mange. Mou perenn le an koy rheb, hoy yon hadan mange vin!

Debleskri gili 57:7

I netsa čivan le glan mire pire, te perap dren. I dori pandan le troul miri meen. Ap miro drom hadan le i rheb vin, – oun yon peran kokres dren.

Debleskri gili 141:10

Mouk len lauteren kokres te perell an pengri netsa, hoy yon mange vi-čivan, oun man mouk te nashap mange!

Gosewe laba 1:19

Yaake djal hakeneske, kay kamell o vavareskro bravlepen te lell. Savo mensho lell peske kokres o djipen.

Gosewe laba 26:27

Kova, kay i vavareske i grouba vin hadas, kova perell kokres dren. Oun yek, kay vitsrell i bar, ap koleste perell lo pale tele.

Sikepaskro 10:8

Koon i rheb vin hadella, nay perell koy dren. Oun koon i massouri khetne phagella, koles nay dandrell i sap.