Debleskri gili 7:12 - O Debleskro Lab 2024 (Sinte-Manouche)

¹² O Devel hi i čačepaskro ray, kay an o čačepen tardo hi. Yob hi i Devel, koleskri rholi nay rhačella hako dives.

O Debleskro Drom 2021 (Sinte)

¹² O Dewel hi i tchatchepaskro rai, kai an o tchatchepen tardo hi. Job hi i Dewel, koleskri choli nai chatchella hako diwes.

Debleskri gili 7:12 Referans Kwoze

Bičepangre 3:19

Moukenn t'maro phouro djipen oun avenn pash o Debleste, te lell yob t'mari doosh t'mendar!

Mateo 3:10

T'mer han har rouka, kay venna tele dino. I tover hi koy čiddo, te vell ko tselo rouk tele dino. Hako rouk, hoy hidjrella kek lačo koova, vell tele dino, oun an i yag vitsedo.

Ezekiel 18:30

Doleske penau me, o baro Devel, t'maro ray: Me krau o čačepen vin pral t'mende dran o kheer Israel – pral hakeneste, yaake har djivas lo. Moukenn t'maro čilačo drom! Krenn bouder gar ko tselo čilačo koova, hoy kran, te anenn kek doosh ap t'mende.

5. Mose 32:41

Me krau, te činell miro rharo mishto, te vell o čačepen kerdo. Oun me dau o čilačepen ap kolengre sherya pale, kay kouran pen mantsa. Oun miri rholi vell ap kolende, kay hi rhoyedo ap mande rhoyedo.

Debleskri gili 85:4

Tou rikral tiri rholi pale, oun rhačral bouder gar i rholyatar.

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Ezekiel 21:23

Oun o baro Devel penas ap mande:

Jesaja 34:5

Miro rharo kras peskri boudi ap o bolepen. Kanna moukau les tele te perell ap o them Edom, oun ap leskre menshende, kolen pengri phagi dau oun len marau.

Jesaja 27:1

Ap ko dives lell o baro Devel peskro baro zorelo rharo, hoy yaake mishto činell, oun dell o sapes moulo, hoy kharell Leviatan, ava, ko baro panyeskro sap, hoy ap o naashepen hi oun moukell pes gar te taprell.

1. Mose 18:25

Ko nashte kreh tou gar, te dess kolen temerl, kay kek čilačepen kran – khetne kolentsa, kay čilačo hi. Yaake te djal koleske, kay an o čačepen tardo hi, har koleske, kay čilačo hi. Tou hal o čačepaskro ray pral i tseli phoub. Kameh tou čomone te krell, hoy gar mishto oun čačo hi?”

Debleskri gili 9:5

Ava, tou lal miro koova an tiro vast, oun beshal tout ap tiro čačepaskro stamin oun dal man čačes. Tou hal i čačepaskro ray, kay an o čačepen tardo hi.

Debleskri gili 129:4

An peskro čačepen das o baro Devel kol shelle paash, kolentsa i čilače man pandan.