Debleskri gili 69:11 - O Debleskro Lab 2024 (Sinte-Manouche)

¹¹ Rovom oun kamom či te rhal, oun yon san man doleske vin.

O Debleskro Drom 2021 (Sinte)

¹¹ Rowom un kamom tchi te chal, un jon san man doleske win.

Debleskri gili 69:11 Referans Kwoze

Jeremia 24:9

Me anau savi bibarht pral lende, te ačell i menshenge an i tsele themma ap kay phoub o rakepen krik. Kote, kay len tradau, venn le sapaske oun praasepaske. Te kamell yek o vavares te praasell, penell lo: Touke te djal har kol menshenge dran Yerusalem oun Youda!

1. Rajengro liil 9:7

palle tradau me i Israelitaryen vin dran lengro them, hoy me len dom. Oun ko kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral o Israel.

Hiob 17:6

Kanna vom yek, pral koleste i menshe sapaskre gilya givenn, oun koleske yon an o mouy čoungrenn.

Joel 1:13

T'mer rashaya, kay han tardo pash o Debleskri rhačepaskri, rivenn t'men an gone, oun denn gole i bibarhtyatar! Ninna ratsyake rivenn ko gono gar vin, t'mer, kay boudrenn miro Debleske! Hi kek djob koy oun kek mool, hoy nay anans t'maro Debleske an leskro kheer.

Joel 1:8

Rob har i terni čay, kay nashras lakro pirno, oun rivell pes an i gono.

Jesaja 22:12

Oun ap ko dives das o baro Devel, ko ray pral o bolepen oun i phoub gole: “Rovenn oun denn gole, činenn t'menge i balla tele, oun rivenn t'men an ripya dran gone, te sikrenn, kay khaytell t'men t'mari doosh!”

Jesaja 20:2

rakras o baro Devel ap o Yesaya, koleskro dad o Amoz his, oun penas: “Rib tiri goneskri damdira oun tire kirrha vin!” Kova kras o Yesaya. Yob rivas peskre koola vin, ninna peskre kirrha, oun djas yaake trouyel triin bersha rah.

5. Mose 28:37

Te dikenn i menshe an i themma, hoy troul t'mende hi, har t'menge djal, ačell lenge o rakepen krik i trashatar pral kova. Oun yon rakrenn oun sanenn pral t'mende.

Debleskri gili 109:24

Rhom či yaake boud divessa, te hi mire heryen bouder kek zoor, oun man hi kek thulepen ap i kokale.