Debleskri gili 68:2 - O Debleskro Lab 2024 (Sinte-Manouche)

² O Devel stell pre, oun tradell kolen krik, kay kamenn les gar; ava, kolla, kay hi rhoyedo ap leste, hounte nashenn lestar.

O Debleskro Drom 2021 (Sinte)

² O Dewel stell pre, un tradell kolen krik, kai kamenn les gar; awa, kolla, kai hi chojedo ap leste, hunte nashenn lestar.

Debleskri gili 68:2 Referans Kwoze

Micha 1:4

Tel leskre pire venn i berge tikno har i momeli, hoy tele rhačell, oun perenn tele an i tala, yaake har o pani i berga tele nashell.

Debleskri gili 37:20

I čilače merenna, oun kolla, kay o baro Debles gar kamenna, hi har kol shoukar divye bloume, hoy sik tele merenn, oun djan penge har i yagakro dourho, hoy pre djal.

Hosea 13:3

Doleske hi le har i folka, hoy taysarlakro sik krik djal, oun har ko pani, hoy ap o zenlepen hi, oun sik bouder gar koy hi. Ava, har o phouss hi le, hoy vell dran i platsa vin phourdedo, kay o djob vin dino vas, oun har i yagakro dourho, hoy tserdell dran i vorhni vin.

Jesaja 9:18

I rholi o baro Deblestar, ko rayestar pral o bolepen oun i phoub, hi har i yag: O them rhačell, oun i menshe rhačrenn ninna. Oun kek rovas o vavareske, oun hakeno dikas kokres ap peste.

Debleskri gili 97:5

Yaake har i momeli tele rhačrell, venna bare berge tikno glan o baro Debleste. Yob hi o baro ray pral i tseli phoub.

Debleskri gili 80:16

Rike tiro vast pral leste, hoy tou an i phoub čival, pral ko terno drakengro rouk, hoy tou bares oun zoreles kral.

Jesaja 64:2

te kreh tou pale baro zorelo koova, hoy kek vavar nay krell, vitar gar glan-vi dikell. Ab tele, te trissenn i berge glan toute!

Debleskri gili 76:7

Har dal tou len trad, tou, o Yakobeskro Devel, peran i graya oun kolla, kay ap lende beshdo hi, an o sopen.

Debleskri gili 22:14

Pengre bare mouya krenn le pre, oun denn bari gole ap mande har i levo glan peskro rhapen.

4. Mose 10:35

Oun har djas ko sonakaskro morhton doureder, penas o Mose: “Baro Devel, ste pre, oun trade kolen krik, kay kamenn touke čilačepen! Kre, te nashenn le halauter penge toutar!”

2. Samuel 10:13

O Yoab vas kol lourdentsa, kay pash leste hi, te djan le ap i Syrarya pre. Kolla nashan penge lendar.

2. Samuel 10:18

Oun kol Syrarya hounte nashan penge i Israelendar. Oun o David maras lendar 700 (efta-sheel) morshen, kay ap i kourepangre vourdya his, oun 40.000 (star-deesh-zerya) lourden. Oun o Shobak, ko pralstouno lourdo, rhas dava, yaake kay yob koy meras.

Jesaja 33:3

I menshe dran vavar themma nashenn penge, te shounenn le tiri gole. Te steh tou pre an tiri zoor, venn le krik tradedo ap hake rigya.

Jeremia 46:15

Hoy dikau me kote? Tire zorele perenn ap i phoub, oun nay ačenn gar tardo. O baro Devel das len tele.