Debleskri gili 68:1 - O Debleskro Lab 2024 (Sinte-Manouche)

¹ I gili o rayeske pral i gipangre. O David kras kay gili.

O Debleskro Drom 2021 (Sinte)

¹ I gili o rajeske pral i gipangre. O David kras kai gili.

Debleskri gili 68:1 Referans Kwoze

4. Mose 10:35

Oun har djas ko sonakaskro morhton doureder, penas o Mose: “Baro Devel, ste pre, oun trade kolen krik, kay kamenn touke čilačepen! Kre, te nashenn le halauter penge toutar!”

Debleskri gili 44:26

An i čik ham vitsedo. Oun mer nay stah gar pre.

Debleskri gili 89:10

Tou hal o ray pral o baro divyo pani. Yob te hadell pes, kreh tou, te djal lo tele.

Jesaja 33:3

I menshe dran vavar themma nashenn penge, te shounenn le tiri gole. Te steh tou pre an tiri zoor, venn le krik tradedo ap hake rigya.

2. Familjakro liil 6:41

Oun kanna, baro Devel, maro ray, ste pre, oun dja pash koy platsa, kay khere hal, tou oun ko morhton, hoy men tiri bari zoor sikrell. Baro Devel, maro ray, čip o čačepen pral tire rashayende har i ripen! Mou denn tire menshe gole i barhtyatar pral tiro lačepen!

Debleskri gili 68:30

Dran tiro Debleskro kheer an o foro Yerusalem, kay anenn touke i bare raya kouč koova,

Debleskri gili 68:14

Kamenn t'mer vin ap o them pash i bakre te ačell? Kote hi čomone čiddo, hoy vi-dikell har i roupene oun sonakangre čirklengre moussya.”

Debleskri gili 59:11

Tou hal lačes ap mande. Tou hal ap miri rig oun moukeh man zorleder te vell har kolla, kay kamenn man te marell.

Debleskri gili 21:8

O baro ray patsell ap o baro Debleste, ko Debleste pral halauter. Oun dran o Debleskro lačepen nay ačell o baro ray zoreles tardo.

5. Mose 7:10

Oun kolen, kay kamenn lestar či te djinell, dell lo i phagi, oun marell len sik. Kek tsiro moukell lo pes, te anell lo lenge lengro čilačepen pale ap lengre sherya.

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

Daniel 2:35

Koy djas i tseli figura paash. Oun o saster, i phoubyakri čik, o lolo saster, o roup oun o sonakay peran khetne an tikne kotya. Oun i dourho phourdas len krik har phouss. Oun kek nay hatsas len bouder. Oun ko bar, hoy koy figura khetne das, vas i bari berga, oun las i tseli phoub dren.

Ezekiel 5:2

Ap ko tsiro, kay vell o foro dren lino, rhače yek triinto kotar foun kol balla mashkral an o foro. Oun i vavar triinto kotar de ko rhareha paash vin glan kol foreskre voudya. Oun ko vavar triinto kotar vitse pre, te lell len o dourho peha! Yaake lau me i menshen dran Yerusalem palla o rhareha.