Debleskri gili 67:2 - O Debleskro Lab 2024 (Sinte-Manouche)

² Devel, kre tiro dji menge pre, oun čip tiri barht ap mende! Dik tou lačes ap mende!

O Debleskro Drom 2021 (Sinte)

² Dewel, kre tiro dji menge pre, un tchip tiri bacht ap mende! Dik tu latches ap mende!

Debleskri gili 67:2 Referans Kwoze

Tito 2:11

Yaake sikras o Devel, har baro peskro lačepen i tsele menshenge hi. Yob kras i drom, te lell lo len dran o čilačepen oun o merepen vin.

Bičepangre 18:25

Yob djinas ninna čomone pral o Yezouseskro drom. Oun peskro tselo djiyeha rakras lo lestar. Oun lauter, hoy yob pral leste penas, his čačo. Pral o Debleskro thopen djinas yob kokres, har o Yohanni i menshen taufras.

Louka 3:6

Palle dikell hakeno, har o Devel i menshen dran o čilačepen vin lella.

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Debleskri gili 43:5

Hoske rovell miro dji oun hi yaake pharo an mande? Ap miro Debleste kamau te dikell. Me djinau, te vell i tsiro, kay parkrau man pash leste, miro Debleste, te vas lo ap miri rig.

Bičepangre 13:10

oun penas: “Tou bengeskro čavo! Tou hal pherdo čilačepen. Oun rhorhepen hi an toute. Tou kameh gar o čačepen. Oun moukeh gar tele o Debleskre čače dromma banges te krell.

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Debleskri gili 117:2

Leskro lačepen oun čačepen hi ap mende čiddo yaake rah har i phoub koy hi. Sharedo vell o baro Devel!

Bičepangre 22:4

Me lom kolen palla, kay djan ap o nevo drom – me lom len yaake palla, te marom len. Morshen oun djouvyen pandom, oun vitsrom len an o stilepen.

Bičepangre 9:31

I patsle an i themma Youdea, Galilea oun Samaria, kolen his kanna i lačo tsiro, kek las len bouder palla. Oun o Debleskro Dourho kras len zoreles an o patsepen. Oun yon shounan ap o Debleste oun boud oun boudeder menshe van patslo.

Mateo 28:19

Doleske djan pash i menshende an hake themma, oun penenn lenge mire laba, te patsenn le ap mande! Taufrenn len ap o lab o dadestar, o čavestar oun o Debleskro Dourho!

Debleskri gili 4:7

Boud penenna, koon moukell men lačepen dikell? Tou, baro Devel, mouk tiro lačepen har i momeli pral mende pre te djal!

Debleskri gili 41:5

Me penom: “Baro Devel, kre tiro dji mange pre! Me anom doosh ap mande. Kre man sasto!”

Daniel 9:17

Kanna, maro Devel, shoun miro mangepen! Shoun har me, tiro boudepaskro, ap toute rovau. Dik pale lačes ap tiro kheer, hoy khetne dino koy čiddo hi. Kre kova, te djinell hakeno, tou hal o čačo Devel!