Debleskri gili 61:2 - O Debleskro Lab 2024 (Sinte-Manouche)

² Shoun, miro Devel! Shoun miri gole! Shoun, har me tout mangau!

O Debleskro Drom 2021 (Sinte)

² Shun, miro Dewel! Shun miri gole! Shun, har me tut mangau!

Debleskri gili 61:2 Referans Kwoze

Debleskri gili 18:2

Oun yob penas: Baro Devel, miro tselo djiyestar kamau tout. Tou kreh man zoreles.

Jesaja 32:2

Oun hakeno lendar hi har i kheer, kay yek nay khatrell pes glan i baro phourdepen, oun glan i baro zorelo brishin. Ava, yon hi har i panya an i moulo them, oun har i baro bar pal koleste yek pes khatrell, te rhačell o kham tele an i tato them.

Debleskri gili 62:6

Pash o Debleste kokres hi miro djiyes kek daar! Djinau, yob hi, kay krell halauter mishto.

Debleskri gili 77:3

An miri bari daar rodom me o baro Debles. Rati rikrom miro vast pre pash leste oun moukom gar tele. Miro dji rovas oun kamas gar tele te moukell.

Debleskri gili 62:2

Pash o Debleste kokres hi miro djiyes kek daar, Yob vell ap miri rig.

Debleskri gili 18:46

Len hi bouder kek zoor an pende. Daryah venn le dran pengre zorele rayengre khera vin.

5. Mose 4:29

An kol themma rodenn t'mer palle o baro Debles, kay t'maro Devel hi. Te poučenn pal leste t'maro tselo djiyeha oun t'mari tseli zoryah, hatsenn t'mer les.

Debleskri gili 27:5

An o čilačo tsiro lell lo man an peskro kheer. Ava, an peskro kheer khatrell lo man, pral ap i baro bar hidjrell lo man.

Debleskri gili 142:3

Leske penau lauter, hoy ap miro dji hi, oun moukau les te djinell, hoy mange phares hi.

Debleskri gili 40:2

Miro tselo djiyeha dikom ap o baro Debleste, oun yob rissras peskro kand pash mande, oun shounas, har ap leste gole dom.

Jesaja 54:11

Yerusalem, tou bibarhtelo foro, pral koleste i baro phourdepen djas, Tout his kek, kay tire sva tele khossas! Dik, me čivau tout pale pre kouč barrentsa. Tire telstoune barra krau dran safire.

Debleskri gili 55:5

Miro dji kamell i trashatar tardo te ačell. Oun me darau, te hounte merap.

Debleskri gili 143:4

Bari daar hi an miro dji. Miri tseli zoor, hoy an mande his, nashrom.

Debleskri gili 43:5

Hoske rovell miro dji oun hi yaake pharo an mande? Ap miro Debleste kamau te dikell. Me djinau, te vell i tsiro, kay parkrau man pash leste, miro Debleste, te vas lo ap miri rig.

Debleskri gili 42:6

Hoske rovell miro dji, oun hi yaake pharo an mande? Ap miro Debleste kamau te dikell. Me djinau, te vell i tsiro, kay sharau les, miro Debles, te vas lo ap miri rig.

Louka 22:44

Oun o Yezous mangas o Debles zorleder, oun rat nashas leskro sherestar tele ap i phoub, yaake zoreles vas i daar ap leste.

Debleskri gili 17:1

I mangepen o Davidestar. Baro Devel, shoun, hoy toutar mangau: De man miro čačepen! De yak, har dau ap toute gole! Shoun miro mangepen, hoy vell dran i mouy, hoy gar rhorhella!