Debleskri gili 59:5 - O Debleskro Lab 2024 (Sinte-Manouche)

⁵ Ninna te krom me kek čilačepen, nashenn le kay, te denn le man moulo. Ste pre! Ab oun dik les touke kokres an!

O Debleskro Drom 2021 (Sinte)

⁵ Ninna te krom me kek tchilatchepen, nashenn le kai, te denn le man mulo. Ste pre! Ab un dik les tuke kokres an!

Debleskri gili 59:5 Referans Kwoze

Debleskri gili 84:8

Pale te pale lenn le nevi zoor, bis te dikenn le o čačo Debles ap i berga Sion.

Debleskri gili 55:15

Mer hayvam men yaake mishto, oun djam khetne an o Debleskro kheer.

Debleskri gili 9:15

Palle djau an i voudya tiro forestar Sion dren, oun rakrau lauterentsa pral ko lačepen, hoy tou ap mande kral, oun sharau tout i barhtelo djiyeha, kay tou man dran i bibarht vin lal.

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.

Remarja 9:6

Kanna penau kate gar, te hi o Debleskro lab bouder či moldo, hoy yob ap i Israelitarya penas. Na-a! Hoy kamau te penell, hi kova: I tsele Israelitarya hi gar lauter o Debleskre menshe.

Amos 9:7

O baro Devel penell: T'mer Israelitarya han mange yaake har i menshe an o them Etiopia. T'men lom dran o them Egiptia vin, i Filistaryen lom dran o them Kreta vin, oun i Syrarya dran o them Kir. Hoy hi vavarčandes t'mentsa?

Jeremia 18:23

Tou baro Devel, djineh, hoy len mantsa glan hi, kay kamenn le man moulo te dell. Ma biste lenge lengro čilačepen! Ma le lengri doosh lendar krik! Mouk len glan toute khetne te phagell, te vell tiri rholi pral lende!

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jesaja 1:10

T'mer raya dran Sodom, shounenn o lab o baro Deblestar! T'mer menshe dran Gomorra, shounenn, hoy kamell maro Devel t'menge te penell!

Debleskri gili 80:4

Baro Devel, hade men pale pre! Dik lačes ap mende, yaake djal menge pale mishto.

Debleskri gili 54:3

Miro Devel, sike koon tou hal oun ab ap miri rig! Sike tiri zoor oun kre, te lap miro čačepen!

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

1. Mose 33:20

Kote kras o Yakob i rhačepaskri o Debleske, te venn firhe leske rhačedo, oun das koy rhačepaskri ko lab O Devel hi o Israeleskro Devel.

Debleskri gili 7:7

Ab rhoyedo, baro Devel, oun hade tout ap kolende, kay rhoyede hi ap mande oun ap mande djan. Oun ab ap miri rig, oun rake o čačepen vin!

Daniel 6:7

Kote nashan kol raya oun kol pralstoune sik pash o baro rayeste oun penan ap leste: “Tou baro ray Darius, te djivess hako tsireske!