Debleskri gili 59:12 - O Debleskro Lab 2024 (Sinte-Manouche)

¹² Ma de len moulo, te bistrenn kova mire menshe gar! Trade len tiri zoryah, te nashenn le kate te kote! Stake len tele, tou, kay rikreh tiro vast pral mende.

O Debleskro Drom 2021 (Sinte)

¹² Ma de len mulo, te bistrenn kowa mire menshe gar! Trade len tiri sorjah, te nashenn le kate te kote! Stake len tele, tu, kai rikreh tiro wast pral mende.

Debleskri gili 59:12 Referans Kwoze

Gosewe laba 12:13

O čilačo taprell pes kokres an peskre rhorhene laba. Kolla, kay an o čačepen tardo hi, venn vin dran i bibarht.

Gosewe laba 18:7

O rakepen o dinelestar anell les an i bibarht. Oun yob taprell pes kokres an peskre laba.

Debleskri gili 10:7

Yob koshell, rhorhell oun dell trad. Leskro rakepen anella douka oun bibarht.

Hosea 4:2

Kova, hoy pash t'mende hatslo vell hi koshepen, rhorhepen, čorepen, menshe venn moulo dino, oun boud morsha rhorhenn pengre romyen, oun boud djouvya pengre romen. Oun yon marenn yekes pal o vavares.

Debleskri gili 10:2

O čilačo hi pre-phourdo oun lell i čorvelen palla, oun krell lentsa ko čilačo koova, hoy leske an leskro shero trouyel djal.

Louka 23:5

Yon moukan gar tele, te anenn le čilačo koova ap o Yezouseste, oun penan: “Yob kras i menshen divyo an o them Galilea, oun an o tselo them Youdea, oun an o foro Yerusalem ninna.”

Mateo 27:63

oun penan ap leste: “Ray, menge djas an maro shero trouyel, te penas ko rhorheno, har yob djivas: Pal triin divessa krell o Devel man djido.

Mateo 27:25

Oun kol tsele menshe penan: “Koy doosh vell ap mende oun ap mare čavende!”

Zefanja 3:11

An ko tsiro hounte ladjenn t'mer Israelitarya t'men bouder gar doleske kay t'men pral mande hadan, oun yaake boud čilačepen kran. Me lau kol pre-phourden, kay rikran yaake boud pendar, mashkral dran t'mende krik. Ap miri berga, kay me djivau, dell bouder kekes, kay krell pes bares.

Gosewe laba 11:6

Ko čačo koova, hoy o Debleskre menshe krenna, lell len vin dran o merepen. I phoukepangre venn tapedo an pengri bok pal i love.

Gosewe laba 6:2

Pandal tout tiro labeha? Hal tou pandlo an tiro rakepen, hoy dran tiro mouy vas?

Debleskri gili 79:12

Kolla, kay an i themma troul mende djivenn, praasan tout, maro rayes. De len kova efta kope pale, hoy kran le ap toute!

Hiob 12:24

Yob krell, te venn lengre raya dinelo, oun krell, te nashenn le trouyel kote, kay kek drom hi.

Ropaskre gilja 3:62

Tou shounal o rakepen kolendar, kay hadenn pen ap mande, oun hoy le pal o vast pral mande rakrenna o tselo dives.

Ezekiel 12:16

O rharo, i bok oun i pharo nasslepen marenn boud lendar. Gar boud lendar moukau djido. Kolla nay penenn kol menshenge, pash lende yon djivenn, havo djoungelo koova i Israelitarya kran. Yaake dikenn oun hayvenn kolla ninna, te hom me o baro Devel.