Debleskri gili 51:8 - O Debleskro Lab 2024 (Sinte-Manouche)

⁸ Tou rodeh o čačepen an o mensheskro dji. An miro dji sikreh tou, har te vap gosevo.

O Debleskro Drom 2021 (Sinte)

⁸ Tu rodeh o tchatchepen an o mensheskro dji. An miro dji sikreh tu, har te wap gosewo.

Debleskri gili 51:8 Referans Kwoze

Mateo 5:4

Barhtele hi kolla, kay kanna rovenna. O Devel lell lengri douk dran lengro dji.

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

Debleskri gili 38:3

Tou dal karye ap mande oun doukral man, oun tiro vast das man ap i phoub tele.

Debleskri gili 35:10

Lauter, hoy an mande hi, penell: Baro Devel, koon hi yaake har tou? Tou leh o čorveles vin dran i vasta kolendar, kay zorleder hi har yob. Tou leh koles, kay bibarhtelo oun čorvelo hi, vin dran i vasta kolendar, kay čoran leskro koova.

Debleskri gili 30:11

Shoun, baro Devel, oun ab mange lačo! Ab ap miri rig, miro baro Devel!”

Jesaja 35:10

Kolen, kay yob dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Debleskri gili 13:5

Kova, kay kamell mange čilačepen, nay sharals pes oun penals, te vals lo zorleder har me. Kolla, kay hadenn pen ap mande, vans barhtelo pral miro perepen.

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.