Debleskri gili 51:6 - O Debleskro Lab 2024 (Sinte-Manouche)

⁶ Ap toute kokres krom, hoy čilačo hi. Ava me krom, hoy midjak hi glan tire yaka. Doleske hi tout čačes an tiro rakepen. Tou kreh o čačepen, te deh man i phagi.

O Debleskro Drom 2021 (Sinte)

⁶ Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

Debleskri gili 51:6 Referans Kwoze

Debleskri gili 15:2

Koles kokres, kay i djoudjo djipen djivell, oun hako tsiro krell, hoy čačo hi. Kova, kay kek rhorhepen rakrella,

1. Samuel 16:7

O baro Devel penas ap o Samuel: “Ma dik ap kova, har yob vin dikella oun har baro yob hi! Koles rodom me gar vin. O baro Devel dikella gar ap kova, kay i menshe pre dikenna. I menshe dikenn ap kova, hoy glan lengre yaka hi, o baro Devel dikella ap o dji.”

1. Petro 3:4

T'maro shoukapen hounte vell dran t'maro dji oun sikrell pes an o lačepen, kay kek čingepen dren hi. Savo shoukapen ačella, oun hi boud moldo glan o Debleskre yaka.

Hiob 38:36

Koon čivas o gosvepen kote, kay lo khatedo hi? Oun koon krell, te nay hayvell i mensho čomone?

Remarja 7:22

Miro dji kamell te krell, hoy o Devel penella.

Gosewe laba 2:6

O baro Devel hi kova, kay dell gosvepen. Lestar vell, te djinell oun hayvell i mensho boud koova.

Jakobo 4:8

Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!

Louka 11:39

Koy penas o Yezous ap leste: “T'mer Farisarya, t'mer thovenn t'mare khore oun čare vriyal. Oun t'maro dji hi pherdo čorepen oun čilačepen.

Debleskri gili 5:9

Baro Devel, sike man o drom, hoy čačo hi glan toute! Kre mange o drom, hoy te djap! Mouk kolen te dikell, kay mange čilačepen kamenna, kay hal tou ap miri rig!

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

Jeremia 32:40

Oun me krau lentsa vin, te moukap gar tele, te krap lenge lačepen, oun te dap len i dji, hoy ap mande shounell, oun moukell man gar. Kava lab, hoy lentsa vin krau, ačell hako tsireske.

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

Debleskri gili 26:2

Le man an i yak, baro Devel! Dik palla, hoy an miro dji hi, oun hoy mange an o shero trouyel djal!

Hiob 32:8

Hi čačo, kova, hoy krell i menshes gosevo, hi o dourho o zorelo Deblestar, koles yob an i mensheste dren čivas.

Jeremia 31:33

Ko nevo koova, hoy palle i menshentsa Israel vin krau, hi vavarčandes. Me dau len mire laba an lengre djia oun an lengre sherya. Me vau lengro Devel, oun yon venn mire menshe. Kava penell o baro Devel.

Gosewe laba 2:21

Kolla, kay an o čačepen tardo hi, oun o Debleskro drom djan, djivenn an kava them oun ačenn koy dren.

2. Rajengro liil 20:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Debleskri gili 125:4

Ab lačo, baro Devel, kolenge, kay lačo hi, kolenge, kay o djiyestar ap toute shounenna.

2. Samuel 12:13

Koy penas o David ap o Nataneste: “Me anom doosh ap mande, oun krom i čilačo koova ap o baro Debleste.” Penas o Natan: “Kanna las o baro Devel tiri doosh toutar krik, oun tou mereh gar.

Debleskri gili 32:5

Doleske penom me touke miri doosh, oun khatrom gar o čilačepen, hoy me krom. Me penom mange: “Me kamau o baro Debleske ko čilačepen te penell, hoy krom.” Oun tou lal miri doosh mandar krik.

Debleskri gili 41:5

Me penom: “Baro Devel, kre tiro dji mange pre! Me anom doosh ap mande. Kre man sasto!”

Jeremia 12:1

Baro Devel, kamoms gar te penap, kay tou doosh ap toute anal. Djinau, tou hal an tiro čačepen. Ninna te hi yaake, kamau te poučap toutar, har nay hayvap tiro čačepen. Hoske djal kolenge mishto, kay djivenn i čilačo djipen? Hoske hi kolen, kay toutar krik djan, halauter, hoy len hounte vell?