Debleskri gili 5:5 - O Debleskro Lab 2024 (Sinte-Manouche)

⁵ Tou hal i Devel, kay čilače dromma gar kamella. Pash toute nay ačell i čilačo gar.

O Debleskro Drom 2021 (Sinte)

⁵ Tu hal i Dewel, kai tchilatche dromma gar kamella. Pash tute nai atchell i tchilatcho gar.

Debleskri gili 5:5 Referans Kwoze

Debleskri gili 11:5

Yob rodell an i djia i lačendar oun i čilačendar. Koon o čilačepen kamell, ap koleste hi lo peskro tselo djiyeha rhoyedo.

Hosea 9:15

O baro Devel penell: Lengro tselo čilačepen krenn le kote pash o foro Gilgal; kote rhoyrom man pral lende ko tselo čilačepaske, hoy yon kran. Doleske tradau me len dran miro kheer vin. Me kamau len bouder gar. Lengre tsele pralstoune moukenn pen či mandar te penell.

Debleskri gili 1:5

Ap ko dives, kay i phagi vin penlo vella, nay ačenn i čilače gar tardo. Oun kolla, kay o Debleskro drom moukan, nay ačenn gar kote, kay kolla khetne venna, kay an o čačepen tardo hi.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

3. Mose 20:23

Ma djivenn pal ko koova, pal kova i vavar menshe djivenn, kolen me glan t'mende vin tradau. Yon kran kava tselo pale-čiddo koova, oun van infam glan mire yaka.

Gosewe laba 1:7

Glan halauter hounte djivess o baro Debleha, te kameh gosevo te vell. Koneske o gosvepen či moldo hi, oun koon kamell či te djinell, hi dinelo.

Habakuk 1:13

Tire yaka hi yaake djoudjo, te nay dikeh kek čilačepen. Tou nay dikeh gar har i menshe doukedo venna. Hoske kreh tou či, te dikeh kol rhorhene phoukepangren, oun peneh kek lab, te rhal o čilačo koles pre, kay hi lačeder oun čačeder har yob?

Gosewe laba 8:5

Hayvenn t'mer či? Palle denn yak ap goseve laba! Han t'mer dinelo? Palle dikenn dren, hoy t'menge mishto hi!

Mateo 7:23

Palle penau lenge: Me prindjrau t'men gar. Djan mandar, t'mer čilače!

Zakarie 11:8

Oun an yek čon krom me, te hounte djan penge kol triin vavar bakrengre. Me nay dikom len bouder gar glan i yaka. Oun yon his rhoyedo ap mande.

Sikepaskro 5:4

Feteder hi, te deh tout gar sovel, har te deh tout sovel oun rikreh gar, hoy penal.

Gosewe laba 1:22

T'mer, kolen či an o shero hi: Har rah kamenn t'mer dinelo koova te krell? T'mer sapangre, har rah kamenn t'mer pral o vavareste te sal oun les praasell? T'mer dinele, har rah penenn: Mer kamah gar te djinell, hoy čačo hi?

Debleskri gili 75:4

Ninna te trissell i phoub oun lauter, kay djivell koy pre, me rikrau lat, te ačell li zoreles tardo.”

Debleskri gili 130:3

Te činals tou, baro Devel, mari doosh an i liil, koon nay ačals palle glan toute tardo?

Debleskri gili 94:8

Denn yak, t'mer dinele mank i menshende, t'mer narvele, kamenn gar gosevo te vell?

Debleskri gili 92:6

Baro Devel, havo baro koova kral tou! Hi phares menge te hayvas, hoy touke an o shero djal.

Debleskri gili 14:1

I gili o rayeske pral i gipangre. O David kras kay gili. Dinele hi le, kay rakrenn penge: “O Devel dell pes gar!” Či-molde hi le! I ladj hi kova, hoy yon krenn. Kek hi koy, kay krell lačepen.

Debleskri gili 73:3

har dikom, te djal i čilačenge yaake mishto. Me zilverom ap kolende, kay krenn pen baro.

Debleskri gili 10:3

Yob sharell pes pral kova, hoy lo kamell te krell. Oun kova, kay i meen gar pherdo lell, praasella o baro Debles oun sal pral leste.

Gosewe laba 15:9

O baro Devel dikell rhoyedes ap kova, hoy i čilače krenn. Koon peskro tselo djiyeha o čačepen krell, koles kamell yob.