Debleskri gili 48:10 - O Debleskro Lab 2024 (Sinte-Manouche)

¹⁰ Maro Devel, kate an tiro kheer moukah menge tiro lačepen an o shero trouyel te djal.

O Debleskro Drom 2021 (Sinte)

¹⁰ Maro Dewel, kate an tiro kheer mukah menge tiro latchepen an o shero trujel te djal.

Debleskri gili 48:10 Referans Kwoze

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Debleskri gili 113:3

Mou vell lo sharedo kotar, kay o kham pre djala bis kote, kay o kham tele djala!

5. Mose 28:58

Oun o Mose penas doureder: Doleske denn yak, te djan ap o drom t'maro baro Deblestar! Oun rikrenn leskre tsele laba, hoy an kava liil dren činlo hi! Oun dikenn ap leste pre, ap t'maro rayeste, kay yaake baro koova krell, kay darenn i menshe lestar.

Josua 7:9

I Kanaanitarya oun halauter, kay an kava them djivenn, kolenge penenn le kova. Oun hakeno shounell kova! Oun palle venn le oun denn men moulo. Hoy kameh tou palle te krell, te ačell tiro lab baro?”

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.

Debleskro tsiro 19:2

Lačo oun čačo hi lo. I phagi, hoy yob i menshen das, hi mishto oun čačo. Yob das i bari loubyat lakri phagi. Yoy tserdas i menshen ap i tseli phoub an vi-ladjedo koova oun maras o Debleskre boudepangren. O Devel das lat ko čilačepen pale, hoy yoy ap lende kras.”

Maleachi 1:14

Praasedo te vell hakeno, kay pes sovel das, te dell lo man i lačo morsh firho. Oun palle rhorhell lo man oun anell mange i nasselo firhes. Me hom o pralstouno ray, oun i menshe dran vavar themma sharenn man, penell o baro Devel, ko ray pral o bolepen oun i phoub.

Debleskri gili 145:17

An lauter, hoy o baro Devel krell, djal lo pal o čačepen. An lauter, hoy krell lo, hi lo lačo.

Debleskri gili 99:4

Touke hi bari zoor. Tou hal o baro ray, kay kamell o čačepen o djiyestar. Tou penal, hoy čačo hi, oun čival o čačepen pre an o them Israel, te djan i čačepangre morsha pal o čačepen.

Debleskri gili 45:7

Miro Devel, tiri rayeskri beshepaskri ačell hako tsireske. Tou hal i čačo oun lačo ray pral tire menshende.

Debleskri gili 11:7

O baro Devel hi an o čačepen tardo, oun kamell hakenes, kay o čačepen krella. Koon ap leste shounella peskro tselo djiyeha, kova dikell les peskre yakentsa.

1. Familjakro liil 16:14

O baro Devel hi maro Devel, oun o čačepaskro ray pral i tseli phoub.