Debleskri gili 45:2 - O Debleskro Lab 2024 (Sinte-Manouche)

² Miro dji hi pherdo shoukar laba i gilyake, hoy kamau te givap miro baro rayeske. Miri čip hi har i činepaskro yekestar, kay hayvell mishto laba te činell.

O Debleskro Drom 2021 (Sinte)

² Miro dji hi pherdo shukar laba i giljake, hoi kamau te giwap miro baro rajeske. Miri tchip hi har i tchinepaskro jekestar, kai haiwell mishto laba te tchinell.

Debleskri gili 45:2 Referans Kwoze

Louka 4:22

Lauter rakran lestar mishto, oun leskro rakepen his lenge pherdo lačepen. Oun yon kran bare yaka. Oun yon penan: “Hi kava gar o Yosefeskro čavo?”

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

Johanni 7:46

“Har kava morsh rakras, shounam mer maro tselo djipen gar!” penan i kliste ap lende.

Debleskri gili 21:6

Tou hal ap leskri rig oun kral leskro raylepen bares. Shoukapen oun barepen čival tou ap leste.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Kamlepaskri gili 2:3

Har i phabyengro rouk mank i divye rouka an o veesh, yaake hi miro pirno mank i terne morshende. Barhteles hom beshdo an leskro shatto, oun leskre phabya hi goudlo mange.

Gosewe laba 22:11

Kova, koles i djoudjo dji hi oun lačepen rakrell, koleskro maal hi o baro ray.

Mateo 17:2

Oun glan lengre yaka las lo i bolepaskro raylepen. Leskro mouy vas har o kham. Oun leskro ripen vas biyalo har i bari momeli.

Zakarie 9:17

Ava, har raylo oun shoukar vell kova! I čave venn zorele terne morsha oun djouvya, yaake boud djob oun mool hi koy.

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Gosewe laba 5:2

Palle hayveh hoy mishto hi, oun tire laba sikrenn, kay hal gosevo.

Jesaja 33:17

Tire yaka dikenn o baro rayes an peskro tselo shoukapen. Tou dikeh i bourhlo them.