Debleskri gili 41:12 - O Debleskro Lab 2024 (Sinte-Manouche)

¹² Mouk len gar pral mande te sal! Palle dikau, te dikeh tou lačes ap mande.

O Debleskro Drom 2021 (Sinte)

¹² Muk len gar pral mande te sal! Palle dikau, te dikeh tu latches ap mande.

Debleskri gili 41:12 Referans Kwoze

Hiob 36:7

Yob dell yak ap kolende, kay hi an o čačepen tardo, oun moukell len khetne i rayentsa ap rayengre beshepangre te beshell. Hako tsiro hi le baro.

Debleskri gili 37:17

Kolengri zoor vell phagedo. O baro Devel rikrell kolen, kay an o čačepen tardo hi.

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Debleskri gili 63:8

Tou val ap miri rig, Tou rikreh tiro vast pral mande, har i čirklo rikrell peskre moussya pral peskre ternende. Kote givau touke i barhtyatar i gili.

Debleskri gili 34:15

Rikrenn t'men pale dran o čilačepen oun krenn o lačepen! T'mari tseli zoryah krenn lauter, te vell kek čingepen mank t'mende!

Debleskri gili 25:21

Me rikrau man ap toute miro tselo djiyestar. Doleske mouk man te djivap miro djipen an djoudjepen oun čačepen.

Debleskri gili 94:18

Har penom, te perom, rikral man tou, baro Devel, an tiro lačepen.

Debleskri gili 17:15

Me krom, hoy čačo hi. Doleske nay dikau tout. Te djangrau pre, dikau me tout oun hom čalo i barhtyatar.

Debleskri gili 16:11

Tou sikreh o drom, kay an o djipen anell. Pash toute hom barhtelo. Te hom kote, kay tou hal, bashrell miro dji hako tsiro.

Debleskri gili 30:2

Me hadau tout, miro baro Devel, tou tserdal man pre, har me dour tele homs, oun moukal gar kolen pral mande te sal, kay mange čilačepen kaman.