Debleskri gili 40:4 - O Debleskro Lab 2024 (Sinte-Manouche)

⁴ An miro mouy čivas lo i nevi gili, i gili, hoy maro Debles sharell. Boud, kay dikenn kova, hayvenn, te hi o baro Devel o ray, oun yon patsenn ap leste.

O Debleskro Drom 2021 (Sinte)

⁴ An miro mui tchiwas lo i newi gili, i gili, hoi maro Debles sharell. Bud, kai dikenn kowa, haiwenn, te hi o baro Dewel o rai, un jon patsenn ap leste.

Debleskri gili 40:4 Referans Kwoze

Debleskri gili 34:8

O baro Debleskro bolepaskro hi troul kolende, kay djivenn o baro Debleha, oun lell len vin dran i bibarht.

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Jona 2:8

Har kamas miro djipen an mande tele te merell, val tou baro Devel mange an o shero, pash toute vas miro mangepen, an tiro kheer, kay tou khere hal.

Debleskri gili 15:4

Kova, kay hadell gar kolen, kay kova krenna, hoy o baro Devel gar kamella, Na-a, yob hadell kolen, kay o baro Debleha djivenna. Yob krell, ap hoy yob pes sovel das, ninna te vell kova leske phares.

Debleskri gili 119:21

Tou čingreh pral kolende, kay phourdenn pen pre. Praasedo hi kolla, kay moukan tire laba.

Debleskri gili 33:3

Givenn leske i nevi gili! Krenn shoukar bashepen oun denn gole i barhtyatar!

Debleskri gili 71:6

Miro tselo djipen rikrom man ap toute. Yaake rah har boldo vom, rikral tou tire vasta pral mande. Tout kamau me te sharell hako dives.