Debleskri gili 39:13 - O Debleskro Lab 2024 (Sinte-Manouche)

¹³ Baro Devel, shoun miro mangepen! Oun shoun, har dau ap toute gole! Dik mire sva oun rake mantsa! Me hom gar khere ap kay phoub, djivau har i vi-themari pash toute, yaake har ninna mire phoure djivan.

O Debleskro Drom 2021 (Sinte)

¹³ Baro Dewel, shun miro mangepen! Un shun, har dau ap tute gole! Dik mire swa un rake mantsa! Me hom gar khere ap kai phub, djiwau har i wi-themari pash tute, jaake har ninna mire phure djiwan.

Debleskri gili 39:13 Referans Kwoze

Hiob 7:19

Hoske dikeh gar krik mandar i tikno tsireske, yaake rah har me piyau miri čounger an miro mouy tele?

1. Mose 42:36

Oun lengro dad, o Yakob, penas ap lende: “T'mer čoran mire čaven mandar: O Yosef hi bouder gar koy. Oun o Simeon hi bouder gar koy. Oun o Benyamines kamenn t'mer ninna mandar te lell. Kova lauter vell ap mande!”

1. Mose 5:24

Oun o Henok djivas o Debleha. Palle his yob bouder gar koy. O Devel las les krik.

1. Mose 47:9

Penas o Yakob: “Hom 130 (sheel-te-triyanda) bersh phouro. Kova hi kek phourepen. Man hi kek shoukar djipen. Mire phoure van phoureder har me.”

3. Mose 25:23

Ma bikrenn ko them yaake, te vell kova hako tsireske i vavareske! Ko them hi mange. Oun t'mer han har vi-themarya, kay moukau pash mande te djivell.

2. Rajengro liil 20:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

1. Familjakro liil 29:15

Har mare phoure ham mer ninna vi-themarya glan toute, ham i tikno tsiro ap kay phoub oun djah doureder. Maro djipen ap kay phoub hi har i shatto oun ačell gar.

Debleskri gili 18:7

An miri daar kharom ap o baro Debleste. Ava, bari gole dom ap miro Debleste. An peskro raylo kheer shounas lo man, oun miri gole vas glan leskre kanda.

Debleskri gili 119:19

Me hom gar khere ap kay phoub. Mouk man te hayvap tire laba!