Debleskri gili 34:3 - O Debleskro Lab 2024 (Sinte-Manouche)

³ Kova, hoy yob lauter kras an miro djipen, kamau me te sharell. Mou shounenn kova kolla, kay tele rikedo hi, oun venn barhtele!

O Debleskro Drom 2021 (Sinte)

³ Kowa, hoi job lauter kras an miro djipen, kamau me te sharell. Mu shunenn kowa kolla, kai tele rikedo hi, un wenn bachtele!

Debleskri gili 34:3 Referans Kwoze

Debleskri gili 69:30

Me hom čorvelo oun man hi boud douka. Mo Devel, ab ap miri rig oun de ap mande yak!

Louka 1:46

Oun i Maria penas: “Me sharau mo Debles.

Debleskri gili 40:16

Mou vell ladj oun daar ap lende, kay pral mande sanenn oun gole denn: “Ava, Ava, Ava!”

Debleskri gili 66:8

T'mer menshe an hake themma, sharenn maro Debles! T'mari sharepaskri gili te vell dour shounlo!

Debleskri gili 35:27

Kre, te stenn oun sanenn i barhtyatar kolla, kay kamenn, te lap miro čačepen. Mou penenn le pale te pale: “Har baro hi o baro Devel, kay hi yaake lačo ap peskro boudepaskro!”

Debleskro tsiro 14:7

Oun yob das bari gole: “Darenn o Deblestar oun sharenn les! Ko tsiro hi kanna kay, kay yob o čačepen pral i tsele menshende vi-rakrella. Vitsrenn t'men tele glan koleste, kay kras o bolepen oun i phoub, oun o baro pani, oun mangenn les an!”

2. Familjakro liil 29:30

Oun o Hiskiya oun i pralstoune penan ap i Levitarya, te sharenn le o baro Debles kol gilyentsa, hoy kras o David oun o dikepaskro, o Asaf. Oun yon givan barhteles, oun vitsran pen ap i phoub oun mangan o baro Debles an.

1. Familjakro liil 29:20

Oun o David penas ap i tsele menshende, kay kote khetne his: “Sharenn t'maro baro Debles!” Koy sharan i tsele menshe o baro Debles, ko Debles lengre phourendar. Oun yon djan ap pengre čanga glan o baro Debleste oun glan o baro rayeste,

Bičepangre 19:17

I menshe, kay an o foro Efesus djivan, shounan kova lauter. Oun i bibolde, ninna kolla, kay kek bibolde hi, lan bari traash. Oun ko lab o ray Yezousestar vas zoreles sharedo.

Filiparja 1:20

Me patsau te rikrell man o Devel an o vast, oun kamau o tselo djiyestar te krap či, kay hounte ladjap man glan leste. Kamau gar, te trashap i menshendar. Yaake har rakrom hako tsiro o Yezous Kristestar, oun trashom lendar gar, yaake kamau les ninna kanna an o stilepen te krell, ninna te hounte merap, te dikenn i menshe ap miro djipen oun ap miro merepen, har baro oun raylo o Yezous Kristo hi.

1. Familjakro liil 16:10

Sharenn koles, koon kokres o čačo Devel hi! Avenn barhteles pral leste, t'mer, kay rodenn o baro Debles!

Debleskri gili 69:33

Te dikenn kova kolla, kay tele rikedo hi, venn le barhtelo. Oun kolenge, kay o Debles rodenna, djivell lengro dji pale pre.

Jeremia 9:23

Koon kamell pes te sharell, kova te sharell pes, kay yob prindjrell man, oun te hayvell yob, kay me o baro Devel hom. Me krau miro dji pre i menshenge, oun krau, hoy čačo oun mishto hi ap i phoub. Savo koova hi mishto glan mire yaka. Kova penau me, o baro Devel.

Jeremia 9:24

Shounenn, penell o baro Devel, ko tsiro vell, kay dau hakenes i phagi, kay činlo hi ap peskro mass, oun djivell, har te vals lo gar činlo: