Debleskri gili 33:3 - O Debleskro Lab 2024 (Sinte-Manouche)

³ Givenn leske i nevi gili! Krenn shoukar bashepen oun denn gole i barhtyatar!

O Debleskro Drom 2021 (Sinte)

³ Giwenn leske i newi gili! Krenn shukar bashepen un denn gole i bachtjatar!

Debleskri gili 33:3 Referans Kwoze

Jesaja 42:10

Givenn o baro Debleske i nevi gili! Sharenn les ap i tseli phoub bis an i palstoune themma! Sharenn les, t'mer, kay ap o baro pani oulerenn, oun t'mer lauter, kay an o baro pani djivenn! Ninna t'mer, kay an o panyeskre themma djivenn, sharenn les!

Efesarja 5:19

Givenn lauter khetne o Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Givenn oun bashrenn o tselo djiyestar o Yezouseske, maro rayeske!

1. Familjakro liil 25:7

Khetne lengre phralentsa, kay hayvan ninna mishto te givell o baro Debleske, his le 288 (douy-sheel-orhta-desh-te-orhta) morsha – lauter lače gipangre.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Debleskri gili 96:1

Givenn o baro Debleske i nevi gili! T'mer menshe ap i tseli phoub givenn gilya o baro Debleske!

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.

Debleskri gili 144:9

Miro Devel, me kamau touke i nevi gili te givell. Ap i deesh-doryengri bashepaskri kamau touke te bashrell.

Debleskri gili 98:1

I gili Givenn o baro Debleske i nevi gili! Yob kras baro koova. Peskro vasteha oun Debleskri zoryah vas lo o zorleder pral o čilačepen.

1. Familjakro liil 13:8

O David oun i tsele menshe an Israel khelan barhteles glan o Debleste, givan gilya, oun kran bashepen ap doryengre bashepangre, ap pauke, ap phourdepangre oun vavar bashepangre.

Debleskro tsiro 14:3

Oun yon givenn i nevi gili glan o rayeskro beshepaskro, oun glan kol star zorele bolepangre oun glan kol čačepangre phourende. Oun kek nay givas koy gili, har kokres kol yek-sheel-te-star-deesh-te-star zerya (144.000) menshe. O terno bakro playsras lenge peskro rateha, te lell lo len i phoubyatar vin, oun te anell lo len khetne o Debleske.

Debleskri gili 149:1

Sharedo vell o baro Devel! Givenn o baro Debleske i nevi gili! Sharenn les kote, kay leskre menshe khetne venna!

Debleskri gili 40:3

Yob hadas man vin dran i grufta, dran o merepen oun i čik, oun čivas mire pire ap i baro bar, te vap zoreles tardo.

2. Familjakro liil 34:12

Oun kol morsha kran pengri boudi an o čačepen. Oun kolla hi i laba kol morshendar dran o kheer Levi, kay pral lende tardo his, te denn le yak ap i boudepangre: o Yahat oun o Obadya dran o kheer Merari, oun o Zakarie oun o Meshoullam dran o kheer Kohat. Oun i Levitarya his halauter lače bashepangre.

1. Familjakro liil 15:22

O Kenanya, o pralstouno pral i Levitarya, his o pralstouno pral o gipen, yob hayvas kova mishto, oun sikras i vavarende, har te givenn le.

Debleskri gili 40:4

An miro mouy čivas lo i nevi gili, i gili, hoy maro Debles sharell. Boud, kay dikenn kova, hayvenn, te hi o baro Devel o ray, oun yon patsenn ap leste.