Debleskri gili 26:9 - O Debleskro Lab 2024 (Sinte-Manouche)

⁹ Ma de man moulo khetne i čilačentsa! Le mange gar o djipen khetne kolentsa, kay ap rat vin djan,

O Debleskro Drom 2021 (Sinte)

⁹ Ma de man mulo khetne i tchilatchentsa! Le mange gar o djipen khetne kolentsa, kai ap rat win djan,

Debleskri gili 26:9 Referans Kwoze

Debleskri gili 139:19

Mo Devel, kamoms te dess tou i čilačen moulo! Kamoms, te djan penge kolla, kolen doosh ap o rat i vavarendar hi!

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

Mateo 25:44

Oun palle penenn yon ap leste: Ray, kaana his tout bok oun troush? Kaana hals tou kek mendar? Kaana his tout kek ripen? Kaana hals tou nasselo oun stildo, oun mer hams gar touke koy?

Mateo 25:32

Oun glan leste venn i tsele menshe dran hake themma khetne. Oun yob čivell len ap douy rigya, yaake har i bakrengro ray čivell i bakre ap yek rig oun i bouzya ap i vavar rig.

Mateo 24:51

oun dell ko boudepaskres khetne, oun anell les kote, kay i rhorhene hi. Kote rovenn le, oun dandrenn i danda khetne i doukatar.

Maleachi 3:18

Palle dikenn t'mer pale, kay djal gar emliges kolenge, kay an o čačepen tardo hi oun kolenge, kay krenn o čilačepen. Djal vavarčandes koleske, kay mangell o Debles an, har koleske, kay mangell les gar an.

Debleskri gili 55:23

Vitse kova, hoy touke phares hi, ap o baro Debleste! Yob hi kova, kay lell tiro koova an peskro vast. An kek tsiro moukell yob koles te perell, kay an o čačepen tardo hi.

Debleskri gili 51:14

Mouk man te dikell, kay hal pash mande, te sal miro dji pale! De man i dji, hoy shounell ap toute!

2. Samuel 21:1

An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

2. Samuel 16:7

Oun o Shimi praasas les oun das gole: “Dja touke, tou marepaskro! Dja touke, tou bedo!

1. Samuel 25:29

Oun te hadell pes i mensho, te lell lo tout palla, oun kamell tout te marell, palle rikrell o baro Devel peskre vasta pral tiro djipen, yaake har yek i kouč bar an peskri possita khatrell. Kolla, kay kamenn tout te marell, lengro djipen vell krik vitsedo, har yek i bar krik vitsrella!