Debleskri gili 26:1 - O Debleskro Lab 2024 (Sinte-Manouche)

¹ I gili o Davidestar. Baro Devel, de man miro čačepen! Kek doosh hi ap mande. Oun me patsau tout, mo baro Debles, oun perom gar toutar tele.

O Debleskro Drom 2021 (Sinte)

¹ I gili o Davidestar. Baro Dewel, de man miro tchatchepen! Kek doosh hi ap mande. Un me patsau tut, mo baro Debles, un perom gar tutar tele.

Debleskri gili 26:1 Referans Kwoze

Debleskri gili 28:7

O baro Devel hi miri zoor, oun rikras peskro vast pral mande. Ap leste patsau miro tselo djiyeha. Oun yob vas ap miri rig. Kanna stell miro dji, oun hi barhteles, oun me kamau les sharell oun leske givell.

Debleskri gili 7:8

De i menshen dran i tsele themma khetne gole troul toute, oun besh tout dour pral lende ap tiro čačepaskro stamin!

Gosewe laba 20:7

Kova, kay an o čačepen tardo hi oun o Debleskro drom gar moukell, barhtelo hi leskre čave, kay pal leste venna.

Debleskri gili 21:7

Tiri barht hi ap leste hako tsiro. Tou hal pash leste. Doleske bashrell leskro dji.

2. Rajengro liil 20:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

1. Samuel 24:15

Kones leh tou, o baro ray pral o Israel, palla? Koneske tradeh tou palla? Man, kay hom har i moulo djouklo, či vavar har yek poushoum!

2. Petro 1:10

Mire phrala, o Devel das t'men gole, oun rodas t'men vin, te venn t'mer leskre čave. Doleske djivenn yaake t'mari tseli zoryah, te ačenn pash leste! Te djivenn t'mer yaake, perenn t'mer gar o Debleskro dromestar tele.

1. Petro 1:5

kay patsenn ap leste. O Devel rikrell t'men an peskro zorelo vast, bis te vell ko dives, kay lell t'men o Yezous Kristo dran i tseli bibarht vin. Palle dikenn t'mer har shoukar kova hi, hoy les t'menge hi.

Hebrearja 10:23

Mer nay patsah o Debles, te krell lo kova, hoy yob penas. Yob rikrell peskro lab. Doleske rikras zoreles maro patsepen ap leste!

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Gosewe laba 29:25

Kova, kay darell i menshendar, perella. Kova, kay rikrell pes ap o baro Debleste, pral koleste rikrell lo peskre vasta.

Debleskri gili 121:3

Yob moukell tout gar te perell. Yob sovell gar oun rikrell peskre vasta pral toute.

Debleskri gili 94:18

Har penom, te perom, rikral man tou, baro Devel, an tiro lačepen.

Debleskri gili 62:6

Pash o Debleste kokres hi miro djiyes kek daar! Djinau, yob hi, kay krell halauter mishto.

Debleskri gili 62:2

Pash o Debleste kokres hi miro djiyes kek daar, Yob vell ap miri rig.

Debleskri gili 54:1

I gili o rayeske pral i gipangre, te bashrell ap i doryengri bashepaskri. O David činas koy gili, har kol morsha dran Sif pash o Saul van oun penan: “O David rikrell pes pash mende khatemen.”

Debleskri gili 43:1

Miro Devel, kre te lap miro čačepen! Le miro koova an tiro vast, oun rake mange lačes pash kol menshende, kay kamenn či toutar te djinell! Le man vin dran o vast i rhorhenendar oun čilačendar!

Debleskri gili 37:31

O Debleskre laba hi an leskro dji. Oun yob perell gar o čačo dromestar tele.

Debleskri gili 35:24

Baro Devel, tou hal an o čačepen tardo. De man miro čačepen! Miro Devel, mouk len gar pral mande te sal!

Debleskri gili 31:14

Me shounau, har rakrenn le djoungeles pral mande. I traash hi troul mande. Yon čivenn pen khetne, oun rodenn i drom, har te denn le man moulo.

Debleskri gili 26:11

Me djivau an kek čilačepen. Ab mange lačes oun le man vin dran o merepen!

Debleskri gili 25:21

Me rikrau man ap toute miro tselo djiyestar. Doleske mouk man te djivap miro djipen an djoudjepen oun čačepen.

Debleskri gili 25:2

Ap toute rikrau man, miro Devel. Mouk man gar čičeske ap toute te dikell, te nay san kolla pral mande, kay kamenn mange čilačepen.

Debleskri gili 15:2

Koles kokres, kay i djoudjo djipen djivell, oun hako tsiro krell, hoy čačo hi. Kova, kay kek rhorhepen rakrella,

Debleskri gili 4:5

Te vell i rholi an t'mende pre, palle anenn kek doosh ap t'mende! Rakrenn an t'mare djia, te han an t'maro čiben čiddo, oun rakrenn kek lab!

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.

Hiob 2:3

Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar. Ninna kanna anell lo kek doosh ap peste, kay tou mandar kamal, te anap les an i bibarht, ninna te kras lo či.”

Hiob 4:6

Tou rikreh touke o Debles glan i yaka pash halauter, hoy kreh, oun djah o čačo drom. Doleske nay leh nevi zoor, oun patseh, te vell lauter pale mishto touke.