Debleskri gili 23:4 - O Debleskro Lab 2024 (Sinte-Manouche)

⁴ Ninna te nashau me mashkral i tamli tala, darau me glan kek bibarht. Tou hal pash mande. Tiro kashteha aneh tou man pale, oun rikreh i divye firhen mandar krik, yaake hounte trashap gar.

O Debleskro Drom 2021 (Sinte)

⁴ Ninna te nashau me mashkral i tamli tala, darau me glan kek bibacht. Tu hal pash mande. Tiro kashteha aneh tu man pale, un rikreh i diwje viechen mandar krik, jaake hunte trashap gar.

Debleskri gili 23:4 Referans Kwoze

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Debleskri gili 118:6

O baro Devel hi pash mande. Me darau gar. Hoy nay krell man i mensho?

Debleskri gili 138:7

Ninna te hom an i daar, deh tou man nevi zoor, oun čiveh tout kolenge an o drom, kay kamenn mange čilačepen te krell. Tiri zoryah veh tou ap miri rig.

Debleskri gili 3:6

Me čivom man tele oun sovom, oun djinom, har djangrom, o baro Devel das yak ap mande i tseli rat.

Louka 1:79

oun vell diklo kolendar, kay hi len traash o merepastar. Kay bari momeli anell men ap o drom, kay vella o Debleskri barht ap mende.”

Micha 7:14

Baro Devel, de yak ap tire menshende, har i bakrengro yak dell ap peskre bakre! Tou rodal touke tire menshen vin, te venn le tiro. Yon djivenn kokres an o veesh. Troul lende hi boud them lačo zenlepah. Mouk len pale an i themma Bashan oun Gilead te djal, te hatsenn le kote lačo zenlepen har an o phouro tsiro.

Debleskri gili 46:11

“Moukenn tele”, dell lo gole, “oun hayvenn, te hom me o Devel. Me hom o pralstouno pral i menshende an i tsele themma, ava, o pralstouno pral i tseli phoub.”

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”

2. Timoteo 4:22

Maro ray Yezous hi touha! Leskro lačepen djal t'mentsa!

Jeremia 2:6

Oun poučan pen gar: Kay hi o baro Devel, kay anas men dran o them Egiptia vin, oun djas glan mende an o moulo tato them, an ko divyo oun trouk them, kay či har santa oun barra hi, kay kek drom hi, oun kek mensho djivell?

Debleskri gili 44:19

Mare djia moukan tout gar, vitar gar djan mare herya tiro dromestar tele.

Debleskri gili 14:5

Sik vell ko tsiro, kay perenn le an i daar. O Devel rikrell pash kolende, kay an o čačepen tardo hi.

Hiob 3:5

Mou vell ko dives pherdo kalepen oun tamlepen! Kale volke mou ačenn pral leste! Oun o kham mou vell kalo ap ko dives, te vell i menshenge bari daar!

Zakarie 11:10

Me lom miro kasht, hoy kharom lačepen oun phagom les. Yaake sikrom, kay phagom koy sovel, hoy o baro Devel dren djas i tsele menshentsa Israel,

Debleskri gili 110:2

O baro Devel kras, te val tou baro ray ap i berga Sion, oun yob krell tiro them baro oun bareder. “Ab ray”, penell lo, “pral lauterende, kay hadan pen ap toute.”

Hiob 24:17

Kali rat hi lenge lauterenge har vavarenge i tsalla. An i rati hi len kek daar.

Zakarie 8:23

Kova penell o baro Devel, ko ray pral o bolepen oun i phoub: “An ko tsiro venn deesh vi-themarya pash yek biboldo, taprenn les ap leskri baya, mangenn lestar oun penenn: Mer shounam, o Devel hi t'mentsa. Doleske mouk men t'mentsa te djal!”

Zakarie 11:14

Palle phagom miro kasht, hoy kharom harmenatsyona. Yaake sikrom, kay i menshe an o them Youda oun an o them Israel bouder gar phrala hi.