Debleskri gili 22:10 - O Debleskro Lab 2024 (Sinte-Manouche)

¹⁰ Tou, mo Devel hals kova, kay kras te vom boldo, tou moukal man kek daryah te sovell ap o beč miri datar.

O Debleskro Drom 2021 (Sinte)

¹⁰ Tu, mo Dewel hals kowa, kai kras te wom boldo, tu mukal man kek darjah te sowell ap o betch miri datar.

Debleskri gili 22:10 Referans Kwoze

Galatarja 1:15

O Debles his i vavar drom mange. Yob kamas mande peskro čaves te sikrell, te djinap, koon yob hi. Har me gomme gar boldo homs, rodas yob man vin. Oun yob his mange lačo oun das man gole, te djap pash kolende, kay kek bibolde hi, te penap lenge leskro čavestar. Har o Devel man pash lende bičras, poučom gar i menshendar, te penenn le mange, hoy te krap,

Jeremia 1:5

Me prindjrom tout, glan te krom tout an tiri dakro per, oun rodom tout vin, glan te val boldo, te vess miro rakepaskro i menshenge dran i tsele themma.

Jesaja 49:1

Shounenn ap mande, t'mer kay pash o baro pani djivenn! Denn yak ap miro rakepen, t'mer an i themma, hoy dour krik hi! Har gomme gar boldo vom, das man o baro Devel gole, oun das man miro lab.

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

Louka 2:40

Ko ternepen vas baro oun zorelo, oun pherdo gosvepen. Oun hakeno dikas, kay o Devel pash leste hi.

Louka 2:52

Yob vas gosveder oun phoureder. Oun o Devel oun i menshe dikan lačes ap leste.