Debleskri gili 21:9 - O Debleskro Lab 2024 (Sinte-Manouche)

⁹ Tiro vast hatsell hakenes, kay kamell touke čilačepen te krell. Tiro čačo vast hatsell kolen, kay pen ap toute rhoyrenna.

O Debleskro Drom 2021 (Sinte)

⁹ Tiro wast hatsell hakenes, kai kamell tuke tchilatchepen te krell. Tiro tchatcho wast hatsell kolen, kai pen ap tute choirenna.

Debleskri gili 21:9 Referans Kwoze

Debleskri gili 50:3

Maro Devel vella oun moukell pes te shounell. Glan leste nashell i yag oun rhal lauter pre. Oun troul leste phourdell i baro zorelo dourho.

Debleskri gili 18:8

Koy trissas i phoub, pral oun tele djan i berge o Debleskri bari rholyatar.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Ropaskre gilja 2:2

I gaba oun i khera kras lo paash, an kolende o Yakobeskre čave djivan. Oun yon khaytan les gar. I zorele forya an o them Youda phagas lo tele an peskri rholi. Pral lengro them anas lo ladj, oun lengre raya vitsras lo an i čik.

Nahum 1:6

Koon nay ačell tardo glan leskri rholi? Koon nay ačell djido, te vell lo rhoyedo? Leskri rholi rhačell har i yag. Ninna i berge phagenn an kotya glan leste.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Debleskri gili 2:5

Vell i dives, kay rakrell lo lentsa i rholyah. Ava, leskri rholyah krell lo lenge daar, te penell lo:

5. Mose 32:22

Miri rholi rhačell pre har i yag, oun rhačrell i tseli phoub, oun halauter, hoy ap late bares vas, oun rhačell tele bis an o telstunepen, oun vell bis tele pash i berge.

Debleskro tsiro 20:14

Oun o merepen oun o moulengro them van an i bari yag vitsedo, ninna hakenes, koneskro lab gar an o djipaskro liil dren činlo hi. Koon an i bari yag vitsedo vella, merell o douyto kopo.

Debleskro tsiro 19:15

Oun dran leskro mouy vell i rharo vin, hoy lačes činella. Koleha kourell lo pes i menshentsa an i tsele themma, oun vell zorleder har yon. Yob anell len i sasterno vasteha. Yaake har yek i drake paash stakrella, te vell i mool vin, yaake stakrell lo kolen paash, kay gar ap leste shounenna, oun anell i rholi o zorelo Deblestar ap lende.

1. Tessalonikarja 2:16

Yon moukenn men gar, te penas mer o lačo lab i vavarenge, kay kek bibolde hi, te nay venn kolla ninna ap o Debleskro drom. Yaake vas i biboldengri doosh yaake baro, bareder djal gar. Oun o Debleskri rholi vas zoreles pral lende.

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Mateo 22:7

O baro rayes tapras i bari rholi, oun yob bičras peskre lourden, te marenn le kol marepangren, oun te rhačrenn le lengro foro.

Mateo 13:50

Oun yon vitsrenn i čilačen an i bobeskri yag. Oun kote rovenn le, oun dandrenn i danda i doukatar khetne.

Mateo 13:42

Oun i bolepangre vitsrenn len an i bobeskri yag. Kote rovenn le, oun dandrenn i danda i doukatar khetne.

Mateo 3:12

Yob hi har i harho, kay rikrell i vitsepaskri an peskro vast, te vitsrell lo o djob pral, yaake te perell o phouss tele ap i phoub. Peskro djob anell lo an peskro djobeskro kheer dren. Oun o phouss rhačrell lo an i yag, hoy hako tsiro rhačella.”

Mateo 3:10

T'mer han har rouka, kay venna tele dino. I tover hi koy čiddo, te vell ko tselo rouk tele dino. Hako rouk, hoy hidjrella kek lačo koova, vell tele dino, oun an i yag vitsedo.

Debleskri gili 106:17

Koy djas i phoub pre, oun rhas o Datan, oun čakras tel peste o Abiram peskre menshentsa.

Hiob 6:3

Kolla hi phareder har i tseli santa glan o baro pani. Doleske rakrau har i dinelo rakrell.

1. Mose 19:28

Oun o Abraham dikas tele ap kol forya Sodom oun Gomorra oun pral ko tselo them pash o pani Yordan, oun dikas i bari yagakro dourho pre te djal har dran i baro bob.

Esra 6:12

Oun ko Devel, kay o Yerusalem vin rodas, te vell lo kote an-mangedo, yob mou te phagell hako baro rayes oun hako them, kay rikrell pes gar ap kava lab, hoy penom, oun hadell peskro vast, te phagell lo ko Debleskro kheer tele an Yerusalem. Me, o Darius, penom kava lab oun moukom les pre te činell, te rikrell pes hakeno ap leste!

Debleskri gili 18:38

Me lom kolen palla, kay ap mande pre djan, oun taprom len, oun moukom gar tele, bis te his le moulo dino.