Debleskri gili 21:3 - O Debleskro Lab 2024 (Sinte-Manouche)

³ Kova, hoy yob o djiyestar kamas, dal tou les, oun kova, hoy yob toutar mangas, rikral gar pale.

O Debleskro Drom 2021 (Sinte)

³ Kowa, hoi job o djijestar kamas, dal tu les, un kowa, hoi job tutar mangas, rikral gar pale.

Debleskri gili 21:3 Referans Kwoze

2. Samuel 12:30

Oun las leskro baro rayeske peskro shereskro sonakay tele. Kova his 35 (triyanda-te-panč) kilogramme pharo oun ap leste his kouč barra. Oun kava shereskro sonakay čivan yon ap o Davideskro shero. Oun yob anas boud bravlepen dran ko foro krik.

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.

Debleskri gili 59:10

Tou hal miri zoor. Ap toute kamau me man te rikrell. Miro Devel, tou hal mange i zorelo kheer.

Debleskri gili 31:19

kolla rhorhene, kay hi pre-phourde oun praasenn kolen, kay an o čačepen tardo hi.

1. Familjakro liil 20:2

Palle vas ninna o David oun las o baro rayeske dran o them Ammon leskro shereskro sonakay tele. Kova his 35 (triyanda-te-panč) kilogramme pharo, oun ap leste his kouč barra. Oun kava shereskro sonakay čivan yon ap o Davideskro shero. Oun yob anas boud bravlepen dran ko foro krik.

Hebrearja 2:9

Kones mer dikah, kova hi o Yezous. Yob his i tikno tsiro tikneder har i bolepangre, oun meras i menshenge. Doleske kras o Devel les baro oun raylo. Yaake lačo his o Devel i menshenge, te bičras lo o Yezouses lauterenge an o merepen.

Remarja 11:35

Koon das les čomone, hoy yob hounte dell pale? Kek.

Debleskro tsiro 19:12

Leskre yaka hi har i yag. Oun ap leskro shero hi boud sonakay boud kouč barrentsa. Glan ap leskro shero hi i lab činlo. Koles prindjrell kek har yob kokres.

Debleskri gili 18:18

Tou lal man vin dran o vast kol zorelendar, kay kaman miro merepen, ava, dran ko vast kolendar, kay his yaake rhoyedo ap mande oun boud zorleder har me.

Hiob 41:11

Dran leskro mouy vell yag, ava, yagakre kotya denn vin karye.

2. Familjakro liil 6:41

Oun kanna, baro Devel, maro ray, ste pre, oun dja pash koy platsa, kay khere hal, tou oun ko morhton, hoy men tiri bari zoor sikrell. Baro Devel, maro ray, čip o čačepen pral tire rashayende har i ripen! Mou denn tire menshe gole i barhtyatar pral tiro lačepen!

2. Samuel 5:3

Har kol tsele phoureder dran Israel pash o baro rayeste an o foro Hebron his, kras kote o baro ray David lentsa vin, te vell lo lengro baro ray. Oun yon dan ap o baro Debleste gole, te shounell yob kova. Oun yon čoran djet pral o Davideskro shero, te vell yob baro ray pral o Israel.

2. Samuel 2:4

Oun kol morsha dran o them Youda van, oun makan o Davides dren o djeteha, te vell yob baro ray pral ko kheer Youda. Oun har o Davideske penlo vas, kay kol morsha dran o foro Yabesh an o them Gilead o Saules paskran,

1. Samuel 16:13

Kote las o Samuel o djet oun čoras les ap o Davideskro shero, glan i yaka peskre phralendar. Oun o baro Debleskro dourho vas pral leste ap ko dives oun ačas ap leste. Oun o Samuel djas pale an Rama.

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

Debleskri gili 20:5

Mou dell lo tout lauter, hoy tiro dji kamella, oun krell, te djal touke lauter mishto, hoy tou touke glan lal!