Debleskri gili 21:12 - O Debleskro Lab 2024 (Sinte-Manouche)

¹² Yon van khetne oun rakran, har nay krenn le touke čilačepen. Či, hoy kamenn le touha te krell, djal lenge mishto.

O Debleskro Drom 2021 (Sinte)

¹² Jon wan khetne un rakran, har nai krenn le tuke tchilatchepen. Tchi, hoi kamenn le tuha te krell, djal lenge mishto.

Debleskri gili 21:12 Referans Kwoze

Debleskri gili 18:40

Tou dal man i zoor, te nay kourom man lentsa oun vitsral kolen ap i phoub glan mande, kay hadan pen ap mande.

Debleskri gili 64:7

Len hi čilačepen an o shero, oun penenn čorrhanes: “Yaake krah mer kova. Yaake djal kova mishto. Har goseve ham mer!”

Ropaskre gilja 3:12

Yob tserdas peskro bogo pre, te dell lo karye ap mande.

Debleskri gili 56:9

Dik, har boud divessa hom me ap o naashepen! Le mire sva an i čaro khetne! Pash toute hi le lauter pre-činlo an i liil.

Debleskri gili 44:10

Kanna čival men pale oun vitsral men an i ladj. Tou djah gar mare lourdentsa an o kourepen.

Debleskri gili 9:3

Pral toute hom barhtelo, oun miro dji givell toutar, oun sharau tiro lab, tou Devel pral halauter!

Hiob 7:20

Tou hal kova, kay lell i menshen an o yak. Lom me doosh ap mande? Te vals kova yaake, hoy krom me koleha touke? Hoske hom me kova, ap koleste karye deh? Hom me touke i pharepen, hoy hounte hidjress?

Debleskri gili 18:14

Oun o baro Devel moukas o bolepen bari gole te dell, ava, o Devel pral halauter moukas pes te shounell bari golyah.

Jesaja 8:10

Rakrenn khetne har te djan glan, oun djinenn, kolestar vell či. Rakrenn yaake boud har kamenn, Či vell vin. O Devel hi mentsa.