Debleskri gili 2:7 - O Debleskro Lab 2024 (Sinte-Manouche)

⁷ Kava baro ray penell: “Moukenn man t'menge kova te penell, hoy o baro Devel kamell te krell. Yob penas ap mande: Miro čavo hal tou. Kava dives vom tiro dad.

O Debleskro Drom 2021 (Sinte)

⁷ Kau baro rai penell: “Mukenn man tumenge kowa te penell, hoi o baro Dewel kamell te krell. Job penas ap mande: ‘Miro tchawo hal tu. Kau diwes wom tiro dad.’

Debleskri gili 2:7 Referans Kwoze

Hebrearja 5:5

Ninna o Yezous Kristo kras pes gar bares oun penas: Me vau baro rashay. Na-a, o Devel rodas les vin, har penas lo ap leste: Tou hal miro čavo. Kava dives vom tiro dad.

Mateo 3:17

Oun i rakepen dran o bolepen penas: “Kava hi miro čavo, koles me kamau. Pral leste hom me barhtelo.”

Mateo 17:5

Oun har yob yaake rakras, vas i parni folka pral lende tele. Oun dran koy folka vas o rakepen, hoy penas: “Kava hi miro čavo! Koles kamau o djiyestar. Yob krell man barhtelo. Shounenn ap leste!”

Debleskri gili 89:27

Yob penell ap mande: Tou hal miro dad, miro Devel, kova, kay rikrell peskre vasta pral mande oun vell ap miri rig.

Johanni 3:16

O Devel kamas i menshen yaake boud, te das lo lenge peskro yek čaves. Les his kek vavar. Hakeno, koon patsell ap leste, djal gar nashedo. Yob lell ko djipen, hoy gar pre-herella.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Hebrearja 3:6

O Yezous Kristo hi o Debleskro čavo. Oun an leskre vasta hi o Debleskre menshe, ap kolende yob mishto garda della. Kolla ham mer, te čivah maro tselo patsepen ap leste, oun dah gar pre bis te lah o raylo djipen pash leste.

Johanni 1:18

Kek mensho dikas o Debles. O Debleskro čavo kokres sikras men, koon o Devel hi. Yob hi yek o Debleha.

Mateo 16:16

Penas o Simon Petro: “Tou hal o baro ray, kolestar o Devel penas te vell yob. Tou hal o čavo o djido Deblestar.”

Hebrearja 5:8

Ninna te his lo o Debleskro čavo, hounte las yob douka ap peste, te krell lo kova, hoy o Devel lestar kamas.

Mateo 8:29

Oun yon dan gole: “Hoy kameh tou mendar, Debleskro čavo? Val tou pash mende, te doukress men tou glan o tsiro, kay rakrell o Devel i phagi pral mende vin?”

Jesaja 46:10

An o phouro tsiro penom me glan-vi, hoy vella. Glan rah tsiro rakrom kolestar, hoy gomme gar his. Oun me penau: Kova hoy me mange glan lom, vell yaake. Oun me krau lauter, hoy kamau te krell.

Debleskri gili 148:6

Yob čivas len ap pengro drom. Oun kote ačenn le hako tsireske. Yob penas lenge, har dour nay djan le, oun yon nay stakrenn gar vergel.

Hiob 23:13

Yob ačell koon yob hi. Koon nay anell les kolestar krik, hoy lo kamell te krell? Kova, hoy kamell lo te krell, kova krell lo.

Bičepangre 8:36

Koy van le pash o pani, oun ko pralstouno penas: “Koy hi pani. Hi mange čomone an o drom čiddo, te moukap man te taufrell?”

2. Samuel 7:14

Me kamau leskro dad te vell. Oun yob vell miro čavo. Oun yob te krell i čilačo koova, dau me les i phagi, yaake har menshe i phagi denna.