Debleskri gili 19:8 - O Debleskro Lab 2024 (Sinte-Manouche)

⁸ O baro Debleskre laba hi lauter čačo oun krenn mare djia zorelo. O baro Debleskro rakepen hi lačo, oun krell i dinelen gosevo.

O Debleskro Drom 2021 (Sinte)

⁸ O baro Debleskre laba hi lauter tchatcho un krenn mare djia sorelo. O baro Debleskro rakepen hi latcho, un krell i dinelen gosewo.

Debleskri gili 19:8 Referans Kwoze

Debleskri gili 12:6

“Kanna”, penell o baro Devel, “stau me pre. Ap i čorvelende djan le zoryah. Me shounom lengro ropen. Kanna rikrau mire vasta pral hakeneste, kay peskro tselo djiyeha kamell, te vap ap leskri rig.”

Debleskri gili 119:105

Tiro lab hi har i momeli, hoy sikrell, kay te djap, ava, i momeli ap miro drom.

Jeremia 15:16

Baro Devel, tou ray pral o bolepen oun i phoub, me hom tiro. Yaake vas tiro lab miro rhapen hako kopo, kay me kova shounau. Te shounau tiro lab, givell miro dji, oun vell pale zorelo.

Gosewe laba 30:5

O Devel rikrell hako lab, hoy das lo. Yob rikrell peskre vasta pral kolende, kay venn pash leste, te dell lo yak ap lende.

Debleskri gili 119:128

Tire tsele laba, hoy menge penal, hi mange mishto. Kamau či te djinell i rhorheno dromestar.

Gosewe laba 2:6

O baro Devel hi kova, kay dell gosvepen. Lestar vell, te djinell oun hayvell i mensho boud koova.

Debleskri gili 119:92

Te voms gar barhtelo te djap tiro drom, palle meroms, yaake phares his miro djipen.

Debleskri gili 119:80

Mouk miro dji ap tiro drom te ačell, te krap, hoy mandar kameh, yaake te hounte ladjap man gar.

Gosewe laba 6:23

Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

Remarja 7:22

Miro dji kamell te krell, hoy o Devel penella.

Galatarja 2:19

Har krom gar, hoy o Moseskre laba penenna, penan kol laba mange: Tou hounte meress. Yaake hom lenge moulo oun nay djivau kanna o Debleske. Me merom o Yezouseha ap o troushel.

Remarja 3:20

Te kamell lo te krell, hoy o Devel an o Moseskre laba penell, hayvell lo ninna, te nay krell lo kova gar. Kol laba sikrenn les, te hi lo čilačo glan o Debleste.

Remarja 7:7

Hoy sikras men kova? Hi o Moseskre laba čilačo? Na-a. Kova hi gar yaake. Te vans kol laba gar koy, djinams gar, hoy čilačo hi. Kol laba penenn menge: Tiro dji te djal gar pal kova, hoy o vavareske hi! Te djinoms kol laba gar, djinoms gar, kay kova čilačo hi.

Debleskri gili 119:16

Mange hi shoukar, te krap, hoy tou mandar kameh, oun bistrau tire laba gar.

Debleskri gili 119:14

Me hom yaake barhtelo pral tiro drom, kay tou mange sikral, har te djivap. Kova hi mange shoukeder har i baro bravlepen.

Ezekiel 36:27

Me dau miro dourho an t'mende, oun me krau save menshe t'mendar, kay krenn, hoy t'mendar kamau, oun djivenn pal mire čačepaskre laba, oun rikrenn len dren.

Debleskri gili 119:171

Tou sikreh mange, hoy mandar kameh. Doleske kamell miro mouy touke te givell.

Debleskri gili 119:143

Ninna te hi miro djipen pharo oun i daar tapras man, hom barhtelo pral tire laba.

Debleskri gili 119:130

Te hayvah tiro lab, palle krell men kova barhtelo, oun ninna kolla, kay či djinenn, venn gosevo.

Debleskri gili 119:121

Me krau o čačepen, oun djau o čačo drom. De man gar an o vast kolendar, kay kamenn ap mande pre te djan.

Debleskri gili 119:40

Pen mange, hoy te krap touke! Tou hal an o čačepen tardo. De man pale nevi zoor an miro djipen!

Debleskri gili 119:12

Sharedo vess tou, mo baro Devel! Tou sikral mange, hoy mandar kameh.

Debleskri gili 105:45

Kava kras lo, te rikrenn le leskre laba, oun shounenn ap kova, hoy yob lenge penas. Sharedo vell o baro Devel!

Debleskri gili 40:8

Doleske penom touke: Ake hom. Me krau, hoy mandar činlo hi an o liil:

Debleskri gili 13:3

Har rah darap an miro dji? Har rah poučap man darenes hako dives: Har rah hadell pes kova pral mande, kay kamell mange čilačepen te krell?

2. Mose 18:16

Te hi len čingepen mashkral pende pral i koova, palle venn yon pash mande. Oun me penau lenge, hoy te krenn le, yaake har o Devel lendar kamella oun lenge penell.”

Galatarja 3:21

Penenn o Moseskre laba, kay hi ko lab bouder či moldo, hoy o Devel o Abrahameske penas? Na-a! Kova hi gar yaake. Te vals o nevo djipen dran o Moseskre laba, palle vals čačepah ko mensho čačo glan o Debleste, kay rikrell pes ap kol laba. Kova hi gar yaake.

Jesaja 64:5

Kanna vam halauter glan toute har yek, kay pale-čiddo hi. Ninna o čačo koova, hoy kram, hi har i ratli baya ap mende. Mer halauter vam har moule patria. Mari doosh hidjrell men krik, har i dourho moule patria krik phourdell.

Debleskri gili 119:54

Kate ap kay phoub, kay me gar khere hom, givau gilya pral tire laba.

Debleskri gili 119:24

Tire laba, hoy sikrenn mange, har te djivap, krenn man barhtelo. Yon hi mange har i lačo maal, ap koleste me shounau.

Nehemia 9:13

Oun ap i berga Sinay val tou tele, oun dran o bolepen rakral tou lentsa. Oun tou penal lenge čačepaskre laba, hoy mishto hi, oun sikral len čače dromma, oun dal len lače laba, hoy penan lenge, hoy te krenn le.

Nehemia 8:12

Kote djan i tsele menshe koy, te rhan le oun piyenn le. Oun yon bičran pengro rhapastar kolenge, kay len či his, oun givan oun khelan i barhtyatar. Yon hayvan kol laba, hoy lenge penlo van.

5. Mose 16:14

rhan oun avenn barhtelo, t'mer oun t'mare čave oun ča, t'mare boudepangre oun i Levitarya oun vi-themarya, kay pash t'mende djivenn, ninna i čave, kolen kek dad bouder hi, oun kol djouvya, kolengro rom meras.

2. Rajengro liil 17:37

Oun krenn, hoy me, o baro Devel t'mendar kamau, djivenn pal miro čačepen, djan miro drom, oun rikrenn t'men ap mire laba, hoy moukom t'mende an i liil te činell. Kova krenn hako tsiro, oun ma mangenn vavar deblen an!

Debleskri gili 93:5

Tiro lab hi o čačepen, oun tiro kheer hi hako tsiro touke kokres, baro Devel, yaake rah har i phoub koy hi.

Debleskri gili 111:7

Yob rikrell peskro lab, oun lauter, hoy krell lo, hi čačo. Oun mer nay rikrah men ap leskre laba.